A caan ah khua ka ruat tawn, thiam hlei ngei mi minung pakhat khat nih huat buin chiat serh mi vawlei thi, ah ma kan tlon len si kan ram mi, sal ah taan caan a sau cang, a kum kum in hram sih cang mi uknak chia, kum caan aa her tthal khuapau sin ah voikhat a phanh tthan bia, van ka cau, ruahchannak niceu minmei tom nih khuh, ka hmuh rawhralhnak lak aa sem mi dothlennak par, fawi ta lek in banh khawh si lo thingpar sang, cung i par mi thingkep par, naam haar hé ttawh ding ah banh khawh har, tha Chikhat thawh sawh in au khuan hnawh nih thinlung ngei lo ralkap rual hna, hrawh khawh lo ca, lai Pasal rual hna, hlaan lio pupa hna bang ngeih mi hriam naam he ram ven za, ay naa ready ma, a luang mi tiva bang zalonnak rili phak hlaan lo nai sai hnu kir hlah, ka nu!! ka nun an laak zong ah Rest In Peace ka ti te i chir bak hlah, miphun ca duh fah tuk ruang ah nun a pe mi ral ttha hna kan hmai ah an kal chung, an mipum taksa lei ah um ti hlah hmanh seh, an tuanbia tefa tiang thinlung ah nung lai ( ral ram in ka min an au ka theih naisai lo laifa raifel i tleih mit ca’h mit, phu kan hlam lai na ttih cun it ) Kamh mi ram lamh manh hlaan ah paamh mi nunnak sung tam , Rul sivai nih hamh ruang mit khua maw chuih pah in thirtung kar tlu ril mi seino an tam, Khua zing aw na thla samh law khuazung aihraamnak aww kan hramh piak sawh, Kawh lo in ra mi faruah thawh sin ah laitlai hna thaw paam ti sawh hlah seh A thaw lo mi zen haw sin ah nau hniang ttah ai hraam aw Zalon thihnak thirtung kar dawt hniang merem hnga maw Mah inn lo hau chung cia ah aw hmanh chuah ngamh lo in kan Lau ttung Caan rau lo ah velngeihnak caan dih zau in kan ral hna hriam naam maan zal lai Tei nak thantaar hé kan i khirh te lai