#قلبى_العليل بعد الصباح والارتياح للوجوه الطيبه #قلبى_البراح اصبح متاح لكل ذكرى من الصبا قلبى عليل وكان قليل انى افتحه يرتاح لناس بس الاساس اتدارى فيه احافظ عليه واختار بدقه ناس لاتخونه ولا تجرحه بس العبيط كان م الاساس سايب بيبانه متربسه كل اللى قرب او يجرب او يخبط مايلاقى رد #صدى_صوت يخض كل اللى جرب يفتحه ايده اتهرت م الدبدبه قلبى العليل لو يوم يميل كانت بيبانه اتفتحت كانت جدوره زرّعت ورد الحياه المبهجه كانت جدرانه اتلونت واتزينت ماكانش حاله بقى كده في قلوب بتسعد م الهوى وقلوب يوماتى منكده قلبى العبيط اصبح كده من كتر قفله للبيبان الباب عَند حلف مايفتح الا لما العمر عدى واحتاج سند قلبى العليل اصبح يميل مع الهوى اصبح سبيل اصبح دوا اصبح دليل لكل اللى محتاج طبطبه قلبى العليل مابقاش فيه حيل للدبدبه #harhash #egyptianhunters