واش نحكي واش نهدر من هادي العباد الغدارة الهدارة واش من قعدة واش من ضحكة عادو مضيعة وقت ومضيقة قلب ماناش ماتيماتيك باش نطلعوهلهم حساب en plus de ca هادو عايشين حياة الهف كلي شغل قصة فيلم تيتانيك هادو عيباد فاتهم bus ونصهم ڨاع باس عندي علام حبو يطيوح مي رجلة ماشي هاكا ياولد الفاس تحكي مورا ظهر ناس بلباس العساس هادا كلام متقون مفنون ماشي معفون تعلم وتكون من عند ناس تسوى ويكون كلامك على رجال موزون ماشي في غابة تحسب راك في الأمازون راك تڨطع في ظهور الناس بلسان الكابوس تحب تلدغ تحب تجرح على الأقل كون كيما لفعة بسم في الوجه تقتل ماشي كي القرد في الغيب الناس تهرج وتمرج وتحصل يا وليد الناس خلي العباد في همومها ولباس ولها في صوالحك وخطيك ما تكون عساس شحال شحال من وقت فات وشحال من راجل مات من زلة لسان هادي ليك نصيحة دواء تشفي القلب السود ماشي القلب لي كلاه الدود تعلم واوزن وافهم معاني الحياة وتطفر تقول شاداني للعبد الفاني واتكل على الرزاق وهو ربي الغاني 🇵🇸🇩🇿😉