#صفين_كراسي صفين كراسي مرصوصين و الخوف مسيطر ع الجميع و بدون ما نلمس حزننا الكل باع و بدون خِداع أنا كنت فاكر إنكوا كنتوا السند أنا #كنت_مخدوع ف الهوى و ف حبكوا أنا كنت حاسب حسبتى بس بغلط جمَّعت قلبى مع القلوب طلعت نتيجت حسبتى عيل شبط طرحتوا ليه كل الحلول بدون ما تدوا المعطيات و سبتونى تايه ف العبط بضرب ساعات كفى بكفى و أحسب ساعات العمر و أتمنى توفى و أكتب حروفى ع الورق و قبل مايجف المداد الاقيه بينزف جوه كفى من الوجع كل الورق أصبح ضباب طول الطريق مليان سراب ما أنا كنت بحسب حسبتى لقلوب غلط أنا كنت فاكر فيها لين طلعت زلط أنا كنت بستنى نتيجة جمعكوا طلع الصواب ف القسمه مش ف الجمع بينكوا طلع البعاد هو #الحقيقه_الموجعه و بقيت وحيد و الليل بيمسح دمعتى جوه الكفن مالقيتش صاحب يدعى و إيديه للسما و يقول ده كان ليا صديق يارب وسع كل ضِيِق و إفرش خطاوى رحمتك ليه ف الطريق يارب ضَمَه تكون سلام ف محبتك يارب نوَّرله الضلام من قُدرتك مالقيتش فيكوا حد جاى و لا حد فاكر صُحبتى كنتوا زمان رسمنها صح محبتى و أنا كنت مخدوع ف الكلام لاكنه فات #وقت_الملام صفين كراسى مرصوصين حسوا بوحدة صفهم جمعوا ف بعض ومشيوا سندين بعضهم #harhash #egyptianhunters