أخر مره شوفنا بعض كُنتي سما و كنت ارض كل الاسئله وقتها .. لسببً ما..مكنش ليها رد علامات الفراق بتهِل فرص الصلاح بتقِل الذكريات بقت بتبوظ بعد اما كانت بتحِل كل الكلام بيدل.. إن النهايه كان..ميعادها حان جات واحنا ما بينا شِبر.. النهايه عشان تتكتب وقتها.. صدقيني مكنتش مستاهله حِبر - حبة كلام اتقال.. علي كام وداع.. علي كام بحبك وهتوحشيني علي انك كنت اجمل حد! طب بجد.. هنروح فين او لمين.. داحنا اللي بينا كتير .. وتفاصيلنا أكتر .. و أنا مش هقدر.. ولا فيا حيل.. اّحفَظها لحد تاني..! طب عشاني..؟ خلينا نفكر شويه.. لو عليا.. شايف ان احنا يومها كُنا هُبل.. القهوه جايز مكنتش دُبل فا مكُناش يعني مركزين. ولا دريانين باللي بنقولوا كفايه سهر الليل بطولو واحنا عارفين السبب نسيبنا بقا مّ اللي اتكتب.. ونكتب اي حاجه غيرو كل طير حمام يغيب.. لابد إنه يرجع لطيره وانا بقالي فتره تايِه.. وطريقي يعني مش لاقيه أكيد فهمتي قصدي ايه مش لازم يعني تتقلي.. انا حتي واقع واسألي - كُنتي لي ضريح.. وكُنت لك عابد.. وجايز ببان جامد لكن جوايا هش عادي ان ده ميبنش بس انتي مش عادي فا عادي إني أقول إن بعادك طال وبإني مش معدول ومهما كان الحال مينفعش إنه يطوّل انا من وقتها مقتول طب يعني ترضيلي؟ غِلِط اكتر اه.. بس عادي عديلي.. - بعادك كان أمر صعب.. والأصعب.. إنك تفضلي بعيده.. مش طالب نهايات سعيده انا بس طالب يوم يكون بيكي ايا كان ايه شكله.. مثلا.. بخناقنا ان الواد مكملش أكلو او انه مبقاش بيذاكر.. او عيد جوازنا جيه و مكنتش وقتها فاكر انا يعني بقول مثلا.. ووعد مني.. هستحمل اكلك الشايط وشايك اللي مش مظبوط وحتي القهوه لو فايره اما المرتب.. فاهيتقسم بالعدل النص الأول للبيت والأكل والنص التاني للكوافير مفاضلش دلوقتي غير إنك ترضي وترجعي هقولك حاجه فا اسمعي بعادك..مقدرتش عليه بحبك وطالب اننا نرجع قوليلي بقا قولتي ايه <3