رمادي

0:00

Lyrics : الزمن بقى السما والنجوم ملهاش نهاية اللامنطق أصبح وباء والنكاية بقت غاية مش مضطر ادي دروس انا طالب تايه برضه مش عارف ديه خيبة مني ولا المنهج زاد صعوبته مش بغطس في الكلام لكن برميه في الهوا راضي بلاإنبهاريتك انا مش دوري إنك تنبهر سقف الإبداع إتبنى لما الخلق أصبح سهل لما بقى إظهار نبرتك أهم من الشعور والعقل دنيا ميكيافيللي الصح فيه يشعر بالغربة بقى إظهار البطولة أهم من الإلتزام بالمبدأ بكتب مابين نارين أكون سيئ ولا أستشيخ ولا اعمل بين البينين ومن الكل برضه أتوبخ حتى الدور ده مل وبوخ رغم سهولة أدائه الواحد محتاج تمرين لعقله اكتر من تحريك لسانه قالوا الشر في سوء الإرادة ترتيب الجملة مش العكس إتشالت الإرادة ومبقاش غير السوء بس شجاعتك مش مهمة المهم شكلك هو الأشجع مش بيهم إيه الطريق بيقيسوها بمين الأسرع الأذية بقت هيبة.....بينهم تناسب طردي مش مهم تكون انسان المهم لقطيعك ترضي ده كلام مرمي في الهواء.....القافية صوتها الوحيد ده مش ادعاء للعمق.....مش هدفي إني أستفيد الطبيعي بقى غريب الأهم ادعاء الترفيه أو تعيش كذبة المفحم وتتباهى بالتجريح الكذب لو إتلغى كله هيموت من الخنقة بقول كلام مثالي أخره حبر على ورقة الكلام تطبيقه حكر والكلام نفسه مش حكر النجاح في النظري سهل بس العملي تحت الصفر تعويضا للخساير ورا كارت النقد بنتدارى اسهل شغلة تبقى قاضي حتى لو من غير شهادة مفيش دروس مستفادة كانت نفسي اولى بالمساعدة لو الدروس كانت مستفادة مكانش للتراك ده معنى written and performed by : Ahmed Atef

7 Comments