وقفة ناصية زمان إدتنا إزاى نملك لسان موزون بيلاغى الصايع و الضايع و الجنتلمان كله سيان ,,  قابلنا كل أنماط جنس الإنسان و إتعاملنا فإتبنى جوا الدماغ بوصلة و ميزان  فى جزأ الثانية بنعرف نفقس مين جدع و مين جبان  و مين بقلب مات و أسود و مين قلبه بينبض حنان  و مين تشوفه تقول ده هادى و لو نكشته تشوف جنان  و مين غلبان و مين شيطان و جن و قرد و بهلوان  حتى الشقاوة ع الناصية كان ليها أصول  الخناق راجل لراجل مش راجل قصاد أسطول