#رجل_مثالي_

راح احكيلكم قصة عن رجل مثالي لو تشوفوه كأنو مو بشر رجل خيالي أبوي تاج الراس من بعده بشي لا ابالي من صغري كان لي اب كل يوم يسأل عن أخباري وأحوالي شو سويت وين رحت يسألني عن كل شي جرالي صرلي مثال و قدوة علقت عليه أمالي وبمرضي يسهر ليلو جنبي مابدي دوا بحضورو انكوى كل همي وألمي انفاسو كانت دوا_لي ولما كبرت كان لي اغلى من رفيق اغفى جنبو بأمان وعلى صوتو أفيق قلبو قاسي لكن في نفس الوقت جدا رقيق كل الطريق عن خيالو أكون بعيد ما أطيق في يوم من الايام صابو مرض وتعب رحنا وجينا عالمشفى وبالمشفى ما في شعب محاصرين ما في اطبا كلو شغل رتب على مين الحق ما في عتب عالمسكن خلوه بلكي ألمو يستكن ورجعنا تاني عالبيت وما في ألم بجسمو ساكن يحكي معي ويضحك وبعد السعادة لكن تدالمصايب تحل علينا بالسواد الداكن لتعب تاني وخدوه بالمشفى وانا ضليت مكاني وكانت لحظة وداع بين عيوني وعيونو موقف أبكاني