Халыҥ сис тыаттан куоппут, Хатыҥмын маанытык кууспут, Халлааным хараҥатын тэйиппит, Ходуһам сибэккитин иҥэриммит, Хаамар хонуубун киэргэппит, Хотойдуу көҥүлү бэлэхтээбит, Кытылбар мичээрдээн ааспыт, Куттарбын уратытык аймаабыт, Күнүм сарыалын сырдаппыт, Кытыастар кутаа уоту умаппыт, Кырачаан кыыс оҕо аналлаах, Кимҥиний эн ыраас тапталлаах? Сарсыҥҥы күммүн таайбыт, Сүрэхпин бүтүннүү ылбыт, Санаабын барытын айбыт, Сырдык харахтарбын аспыт, Сулустуу тырымнаабыт, Сыырдарбын сытыарбыт, Сааскы тыалтан хаххалаабыт, Самаан сайыны аҕалбыт, Сибэккилиин тыллыбыт, Сахалыы сиэри батыспыт, Силиккин сиппит кэрэҕиний? Сэмэй майгылаах кыыскыный?