Aw ka taksa, rilru leh thinlung; I mit atangin ka thlir I beng atangin ka hria I ngaihtuahna ka ngaithla a, I natna te ka tawmpui I famkimlohna te ka hria I thatna te ka chhuang ve thin. I fel lohna ten minti hnual a, theihtawp chu ka chhuah ve thin . chaklohna ten hnûk hniam thin che mahse, I chakna lai zawngin ka va han mangang thin em. He lei hi i ning ve thin ti raw? Khualzin nih i hne ve tawh ti raw? En teh sâw, hlimin an lâm leh tawh saw. I châk ve em? Sir tiang an sâwn dân saw. Lenrual te chuan an chhung leh kua te Hlimin an siam; Eng nge i tih ve le? Tawng chhuak ve la, siam tha ta che. Ngawi reng lo khan sawi ve ta che. I hmu ti raw? A tap lai hmel kha, I hrûk hul nghak in a bân duh loh saw. Tho rawh hmel-a! Kal chhuak ve rawh. I Pi mittui hrûk hul sak rawh. Mi dawihzep pa! Biru lo khan I sual te sim la, hma lam pan rawh.