حبيتو صاح توقف لبلاذ طبعولها حبة فياڤرا وليوم قالو مكاش رجال يابلاذي حبوك عاڤرا ‏Background خامج و الشعب محال يسمحلو الرايس عطاها بخرية عيطو للسعيد يمسحلو احذف المقال ايه شبيبة تموت فقارب البلاد في ساعة ايه حكومة العقارب الشعب رقاولو لقاولو قالب و الباقي لقاولو قارب و حنا جيبولنا قنب يا مسخرت العرب ديرو ماميدو رايس ديجا البلاد راي بورذيل جيب السماتي و سايس و عس كي يحمى البندير حكومة تقول فيلم هندي و الشعب لي قاتلو التهمبير صوت الشعب لي يدوي صرخة حق حايب التغيير و تشوف الشعب ڤاع زادم ، ياربك انا بنادم انا لي قلبي كلاني نبدى نطيح بلامنقادر انا نامن بالقدر و غير ربي لي قادر ماشي الشتاء لي راهي الطيح دموع بلادي راي تتقاطر مكان ني صوت ني صورة ، جزائر ماشي ڤومورا رايس دايرينو ديكور ، و الديكور فسدوه هوما انا هنايا صبري طال ، مداوي فراسي سبيطار شعب مقود يلحق a pieds مام كي يفوت القطار نوينزو مازال نريمي نتريمي مازال نليمي فلقلم مزال طويلة ليستوار مزال في قلوبنا اسبوار رافدين في قلوبنا استوار ، حنا لي ترفدو العلم ، و التالي لي يجيب خبار شكون يسمع صرخة الاصم مانا عبيد و انت صنم حبيتو شعبي ينقسم و على الحرية ليوم قسم ، ايا واش بي قسامك من قرعة وحدة شربنا سم و بثلات و العزم ، ليوم نحو هذا القزم بلادي طاحت بعشرين يغتاصبو فيها بالعشرة بلادي كبيرة بقلب حنين و انتم لي خنتو العشرة انتوما قولتو بلاد الشعر و نتوما لي كونتو القشرة انتوما حبيتوها قبر و شربتو منها بالقطرة انتما لي زرعتو لغبار و في الاخير حصدتو العار و ليوم خلاص طاح الستار شبيبة تعيط yen a marre رجال السرقة و التحمير اولاد الحركة في التسيير حنا لي كبرنا في قاع البير كي يغيب الراعي يهيج لبعير بلادي حاكمينك مرضة و في السلم نهديلك وردة عام سعيد و ماتنساش اخرج اهدر اليوم انت تاني عيدك