صغار وجايين لدنيا عينا نبعدو على شر وتلعبت بينا حبيت نعيشو بنيا شربونا لمر و كذبو علينا بلادكم شابة هوما خسروها شعال حڨرو ولادها خلاوهم يكرهوها هادوك ليجان في فلوكة صغيرة دايرين لاشان هربو ملاميزار حرڨو والديهم خبر عليهم ما بان صاي فهمنا لعبرا بلي هداك زاوالي جامي يبرا حتى ولوكان ياكل ڨاع دوا حنا مرضنا كل نهار جديد نسناو واش يصرا ليلنا طويل نخمو في غدوا كاين ربي يفرجها غير هوا كلامنا غالي و نعرفو واش يسوا رانا عارفين بلي صعيب عارفين بلي صعيب الحال بصح طامعين فيها تتبدل مزال باش نڨطعو لياس محال نتكلو عل ربي هو لي عندو الحل ندعوله ولصعيبا علينا نشاله تنحل فرقتو الشعب وسميتوها ديموقراطية وين مايروح يدير لاشان و يسنى وينتا تزول بيروقراطية كون جات عليا نسمحو في كلشي خاصنا غير الحرية هاد دنيا ماشي طويلة كلشي يفوت نتوما تمتو وياكلكم دود وحنا نموت فالبحر وياكلنا الحوت حرام عليكم دزاير رشيتولها ساس رانا صابريين حتى رايسكم ينوض من لاشاز و دزاير تخوالها لاكاس تما نڨولو رنا الاز صاي كبرت و بدات تفهم هاديك جينيراسيون لي زادت وقت الدم ضيعها بين يديه هاداك سيستام وعليها غادي يندم كول ليوم فيها غير يضلم خيرو هجرة برا عرفوها جامي لا تتسڨم يا ما متبكيش سماو رشوة حق قهوة وقالو رجلة متكفيش ونسا مدولهم ڨاع لدرواة و نتا شوف بعينييك و ماتدييش الله يهديكم سرقتو و مزال مشبعتوش من حفرة و قبر متهربوش واش درتو فينا ماننسوش بغيتونا ساكتيين ومنسمعوش حقنا فيه منسمحوش يا ربي خلص في هاداك ضالم و مترحموش