دنيا المعانات

أزول تنمّيرت، شكراً، Merci، Gracias، Thanks، Arigato شي الدنيا هزّاتو وشي حطّاتو شي زوّاتو وشي عطاتو وشي حتى قرايتو وشطارتو ما نفعاتو هو شادة معاه الكونترير، وتحت الصباط حطّاتو وأنا نبرّك ونترجّم، وعليها لايح الهم نشدّ فالدين ونحفّر على الدرهم أنا عارف راسي فين غادي وعلاش كنقلّب واخا تحسبني موضّر وسط هاد الدرب أنا نكتب بحروف من ذهب الستيلو والكتابة عندي فالدم وفالقلب الدنيا لحتها جنب، والآخرة هي العقل وهي القلب ما نركع لبشر، ما نطلب، واخا الموجة عليّا تقلّب رزقي على الرزّاق مكتوب، وفي طريق الحق عمري ما نقلب مدادي يداوي جراح الذات، وحروفي فالمحاين تكسب عايش قنوع باللي كاين، وفي سوق النفاق ما كنحسب عارف طريقي، واخا فظلام الغدر نور اليقين فيّا يلهب سديت باب الطمع فالناس، وباب الكريم عمرو ما غرب من وسط نار عيون الحسّاد نخرج بحال طير الفينيق فالليل شوارع وزناقي يصدح فيها صراع وقتال، والحضية والعين القلب عامر بالألم، لكني ممتن لدروس الحياة نسمع كلمة السلام "أزول" فالسما، وخوتي وصحابي بجنابي تنمّيرت للكفاح، هو فخري واعتزازي شكراً للسعي والشقاء، هما اللي حفزوني على البقاء Merci للحاقدين، هما سر النجاح هما حضيني و ربي عطيني الحياة لعبتها شطرنج، نتحرك فيها دقة بدقة ونطلب الله الستر كل قطعة على الرقعة قرار محسوب ومقدّر حاولوا يحبسوني فصندوق لكني كسرت القيود بعقل مليء بالأحلام، وروح ما كتحد Gracias للمعاناة، كل ندبة كتحكي حكاية في هاد العالم البارد، أنا حالف نوصل للغاية Thanks للقلم على هاد الكلمات اللي فيها الحرقة والنار فالروح كتشعل Arigato للقلب المحارب اللي يقاوم كل المصايب ويوقف فوجه المكاريه و المكاريب