عمرني ما ظنيت الدنيا هكدا دور
اغنيتي راب بالدارجة المغربية . تجسد الواقع المر الذي يعيشه معظم الشباب. الأغنية تبدأ بعد الثانية 30 كلمات الاغنيه رضوان إكس مان ## عمرني ما دنيت الدنيا هكدا دور... تبكي المزلوط وتفرح اللي مغرور... القلب تخنق وعيا من الهموم، شكون اللي حاس بيا، وفحزني يدوم؟ آه يا الدنيا.. عيا الخاطر ما يصبر، كل يوم نفس القصة والقلب يتقهر. ------------------------------ # صغري داز كاري، فزنقة ضيقة ومظلمة، حروف المدرسة طارت، بقات غير الصدمة. ملي كنت صغير، لقيت راسي واحل، بين حيوط الحومة، والمستقبل باحل. خرجت للزنقة بكري، نقلب على راسي، لقيت بنادم وحوش، والزمان قاسي. الوالدين دراوش، جراو وعياو ما يقادو، والحزقة خانقانا، والفقر زاد فـ عنادو. دزت من محاين، وشفت الويل كواني، حتى اللي قلت عشيري، فالضيق رماني. ضربت تمارة د الصح، والكمارة زرقت، بحر العاصة غرقني، وفمواجو وحلت. تقلب الميزان، والزمان دار عليا، وليت غريب فبلادي، ضاعت الحرية. ------------------------------ # عمرني ما دنيت الدنيا هكدا دور... تبكي المزلوط وتفرح اللي مغرور... ------------------------------ # شحال من ليلة دازت، فالزنقة والبرد كياكل، واللي حكموا علينا، سادين البيبان والمشاكل. سولوني على حزبي، وعلى شكون صوتت، قلت ليهم أنا حزبي هو الجيب اللي خيبت. عشنا فالغبن، والشباب ضاع فالحومة، بين اللي مبلي، وبين اللي هاز اللومة. حنا ولاد الشعب، كبرنا بدموع الميمات، شحال من غصة فالقلب، ماتت وما حكات. باغي غير حريتي، ونعيش راسي مرفوع، ما نبيع ما نسرق، ما نعيش بالجوع. البطاقة والو، والتبندير فكل تركينة، قهرتونا بالحكْرة، والشر سكن فينا. ------------------------------ # هنايا كبرنا وسط الضباب والظلام، كلامنا رصاص، وما بقيناش نقدرو الملام. الحبس باطل، والحيط هاز الأسرار، شحال من واحد غرق، وتاه وسط الأفكار. الشرطة فكل دورة، والحملة مورا الحملة، وحنا ضحايا السياسة، عيشتنا صبحت رملة. كتقلبوا الجيوب، وكتنساو القلوب، رومبوان مورا رومبوان، والعمر كيدوب. ما باغيش صدقة، باغي غير حقي يبان، حيت العاطل فبلادي، ميت بلا كفان. صبرنا بزاف، والجهد عيا ما يسعف، واللي دار الذنب، كيتعاقب وضعف. ------------------------------ عمرني ما دنيت الدنيا هكدا دور... تبكي المزلوط وتفرح اللي مغرور... ------------------------------ ## العبد ديما ساهي.. والقلب خمام، مشات الضحكة وبقاو غير الأوهام... الدنيا هكدا.. فيها المليح والجرج، وربي كبير، هو اللي يجيب الفرج تلااح
You may also like

Leave a comment
See track description ↑
Fiya 🚀 DOPE 🍀 Saucy 🌶️ HEAT 🥵 I’m feeling this ❤️ Hard 👊 SLEPT ON 😴 BLESSED 🙏 FIRE 🔥 LIT 🔥 Keep grinding ✊
DOPE 🍀
جميل جدا
Champion 🏆