الهدنة (pause paisible)

الهدنة هكدا بدات بنا قدام البرلمان pause paisible الطايح اكثر من النايض و النايض فشلو عليه ركابيه Les ordres ل police تعطات هدا مينط باباه هزو و ديه ولاخر بالطونفا شير على مو وضرب فينما جات تجيه و عيط ل l'ambulance اولا fourgon تجي تديه فبلاد الحق و القانون Les riches موالين الشكارة حاكمين la zone البوفوي حيط قصير لي جا ينقز عليه تافقو عليه بالاجماع بلي عضامو يستاهلو التكسير خرجوه من دارو صحة رحلوه و يديه فوق راسو مسكين كيفو كيف الاسير واش مامن حقوش يعيش بحالهم la Vie digne كيف وصا عليه ربي العزيز الغني البوفري مقهور غير فقوت نهارو زادوه بالغلاء فالمعيشة ولا مقاتل مع البصلة و مطيشة مسكين يحساب لهم مات و غايدفنوه و ضنو القضية هنا سالات و هي عاد بدات بداوه من الصحة و التعليم الخطة يربيو القطيع يحشروه فالزريبة كيف البهائم قدام البرلمان الطايح اكثر من النايض و النايض فشلو عليه ركابيه الحكرة هنا بدات مع L'étudiant le médecin le professeur كل واحد منهم يدوي على حقو الطونفا طيح على راسو حتى تشقو له هدا مينط باباه هزو و ديه لاخر بالطونفا شير على مو فينما جات تجيه les ordres فبلاد الحرية و القانون هكدا تعطات les patrons موالين الشكارة هما حاكمين la zone و البوفري حقو مهضوم و منو محروم حتى حسبت الحق فبلادي مات le roi محمد الشريف العلوي وحدو مكالي علينا السعرة الكلاب مسعورة تعض و تنهش فينا كيف الضباع تفرس charogne بالجعرة pause paisible سالات و بلاسطها قدام البرلمان بقات الحق فالبلاد مات ضحكو علينا بكثرة النقابات كل وحدة تنقب وتسعا الفتات من بعد ما باعونا للحكومات مغربي دمي حامي و سخون للدل مانركع و اخا باغينها عليا تهون امالي و ايماني فالله خالق الكون انا مانيش لي حاكمها كيف عزيز Chef du gouvernement مانيش من ال بنجلون ولا الصفريوي ولا العراقي كلمة الحق تجري فعروقي راضي بما قسم الله و الحمد لله قوتي من عرق جبيني الدم المغربي يجري يسري فعروقي مادام الدم مغربي عمر الحق ما يموت مغربي حتى نموت وغنبقى واقف…صامد حتى يطيح السكوت