Jingieid Ba Janai

Myllungkari - Jingieid Ba Janai Verse - 1 Kynjai ha trep i mei nga shong, Ki lok, ki jor, bad para shnong; Khynnah tipsngi ha pneh i mei, Nga pher ruh jinglong na kiwei. Nga suk nga kmen hala rympei, Nga hun ban im tang bad i mei; Kumba nga long lem ïa kiwei, Ngam sngewtynnad ïa phi kongthei; Mynsiem shynrang ka mon ba jwat Jingmut, ki kam kynsha nga rat. Ynda kynjoh jinglong samla, Jingmut jong nga ruh ki kylla; Kumba long lem keiñ ka pyrthei, Kumba la buh bynta u Blei. Ki thapbalieh babun ki rong, Ïa nga ki wan ban pynbaïong; Ki rong jong ki nga peit ïapmat, Hynrei dohnud ïa ki ka blad. Phi long i wei thei na kita, Ha rong, ha rup ba kham paka. Hynrei ban phai ban ki khmat ngam mon, Ko thei bahabriew, ko lasubon. Ki paralok jong nga, ki ong. "Shish! Ka khynnah bym long" Kyntien jong ki nga sngew ïahap: Ki skhor ïa ki nga kloi ban sngap. Watla ngi dei keiñ para shnong, Mano ban tip ïa ka jinglong. Na-wei, na-ar ruh nga ïohsngew Mawser nga buh ïa i ban thew. Chorus Verse - 2 Suki nga sdang ban shoh jingieid, Nga kwah ba in long i baieid; Ko tiew-kulab, ko dur bhabriew, Marwei phi ïeng ha per syntiew. Phi siengiwbih ban pynïapmat, Ngam lah ban klet nga ïai pyrkhat; Ko dur bhabriew kum puri-blei, Ha sla pyrthei ngan shem 'haei? Kine baroh ngam lah sngewthuh Ki jingshsisha ne jingtynjuh. Tengkhat bad i nga ïa kynduh, Kumno ïa nga keiñ in ithuh; Nga sngewlehraiñ ban kren ïa i, Ngam tip balei tang shu ïohi. Sha ïing jong ki, ba ngam ju poi, Ban kren ïa i ruh ym myntoi. Nalor nga dei u Protestant- Ban ang shyntur, kumno ngan shlan. Ka jinglehraiñ ka tap ïa nga, Ha man ki por bad ki jaka. Katba dang ïaid ki por, ki sngi, Kyrsoi ha nga jingieid ïa phi Marwei ïa phi nga iai kynmaw; Ka jingiskuiñ! Ïa phi Thei! Waw! Man la sngi, nga ju ïohi, I peit sha nga. I phuh sam rkhie; Nga kwah ban ïoh u number phone, Bad i teng-teng ban text, ban phone; Ban pan na i nga don jingmut, Hynrei nga tieng, nga kyiuh, ngam nud. Chorus Verse - 3 Khatduh khatwai khubor nga ïoh I la don samla, nga ang lyngngoh Ngam kwah ban long u mawjynthut, Ai jingithiang ha nga kin kut; Ka lad ngam ïoh ba ngan pynpaw, Ba ngan pyrkhat dohnud ka blaw. Hooid, ki thei kyrhai ki don- Hynrei sha ki ngam dem ka mon. Kumno ngan leh nga ïai pyrkhat Ha miet badum ngam lah peitmat