جحيم البطالة

تافيق و نوض وقد الوقفة السلام عليكم صباح الخير الكبير كحاز شويا و دير ليا حداك بلاصة العشير كل صباح نفيق نخرج نلقاك شد الكوان كاتنحزز فراس الدرب الحالة بحال ديما الحضية و العصير هد الروتين انا و عياني طلع ليا ف الكر وطيب ليا القلب اجي نفكروا فالحل باش نخرجوك من متلازمة جقر و طلب راني حاس خوتنا و اولادنا قراو و تعلمو وحكمو عليهم بالبطالة والعداب حتى بلا سبب نلقاهم واقفين فراس الدرب اولادهم يقراو ف الاخوين و Sorbon و Concordia و الشي لاخر ف ESADE 😭ولد الشعب ماكرهوش يبيعوه esclave فالمزاد يخدروه و يهمشوه ويبليوه ب café و drogue و ب Stade فين الوعود فين فرص الشغل للشباب كولشي تبخر مع استلامهم للمناصب غير دخلو للمكاتب فوجهنا سدو البواب راهنا على خمس سنين و دازت فالعداب العهدة راها سلات بالقهر و الغلاء و الاحكام بالاخلاء حاولو تصنعوا شي كدبة باش تصيدو الهركاوا و القباب حملة اخرى جاية في الطريق على الابواب الى بقات على نفس الحال غاتكفرو لي تاب حكومة التناوب يتناوب عليها نصاب وكداب الى شراوك بربعالاف عرف راسك من ولاد القاف و ماتسولنيش على السبب الى عاود تدارت بك راك مغيب ولا ناعس على ودنيك فيق وجمع الوقفة قبل لا يدار لك وتبقى شد الكوان و عمرك يحبس بين سيجارة و جوان ولا فالحضية و العصير حتى تموت فداك الكوان براكا من الخدلان براكا من التقصير هد الهضرة عليك ولك يا البرلماني و المستشار و الوزير ماننساكش اخويا ولد الشعب حتى انت لي عايشها نفس المصير