وصية الوالد ،،،،

اسمع اولدي وديها مني وصية حل اودنيك و خدها فايدة ماشي غير هضرة زايدة اسمع و تمعن الكلام الحكمة جاياك فالطريق الله وحده معك فالرخاء و فالضيق وهو المتسعان انا مانيش لقمان ولا شيخ ولا خاتم للقران نوصيك اولدي على والديك بالبر و الاحسان كيف وصانا عليهم الرحمان اتمعن اولدي فالحياة و خد العبرة والحكمة من الدنيا قبل لا يفوتك الاوان ما تمشيش متكبر و فمشيتك تبختر خلي رجليك على الارض تابثة و اسجد و اركع لله المعز وله تواضع هو يدل و هو قادر يعزك و لمقامك يرفع يولدي لاتغر بالمظاهر و عمر قلبك بالخير كل خطوة تخطوها بحسن النية يجيك منها كل الخير الصدق هو السلاح والحكمة فالقلب تعلمك السماح ياولدي الحبيب ديرالصبر طريقك التواضع تاج راسك و حافظ على قلبك من الحقد والكراهية خلي الحب يسكن و يغمر قلبك يا وليدي قبل ماتجيك المنية عامل الناس بالإحسان و ما تفكر فالانتقام هد المصطلح من الحرام نوصيك اولدي الحبيب بالكلمة الطيبة بها تكسب قلوب الناس وبالكلمة القاسية تدمر القلوب وتدمر الإحساس والاحترام هو الاساس ياولدي الحبيب حافظ على النعم، وما تفتخرش وتكبر بلي عندك اليوم غدا يولي عليك بالنقم واجه الدنيا بالثقة بلا خوف بلا تردد خلي إيمانك فاللطيف الودود هو لي قادر يفتح فوحهك كل حدود الى نيتك صافية، قلبك قوي وعقلك حاضر ما تخافش من الطريق الطويل، كل خطوةتخطوها محسوبة و كل مسار عند ربي مقدر و مكتوب كون قدوة للناس، بالكلام والفعل و الجد ماشي بالحقد والغل والحسد عاون الغير وشاركهم الخير بلا ما تهتم بالشر دير الاحترام راس مالك، والصبر هو الدرع ديالك 4 اسمع يا ولدي وحفظ هد الوصية تنفعك فالطريق وتضوي عليك ضلام الدنيا توكل على الله هو لي دايم معك فالخير و فالضيق تدكرني الله يرضي عليك يا ولدي الحبيب اليوم انا معاك و غدا انا ضيف عند الرحمان ترحم عليا اولدي كيف نترحم و ندعي بالمغفرة لوالديا و لكل مسلم فالآخرة و الهداية لكل انسان فهد الدنيا