tot.em

#serelle #tse #truestoryentertainment #chrap #femalerapper sammlä tön wi schamanä geister, mache us bars u beats es totem wine schamanämeister z mic isch dr zouberstab, rhytmus dr schlag vom drum, geister chöme us au mine narbä, mache detox, entgiftä u wirdä chli me gsung dr beat pumpet, loufe im kreis wi benäblet, jedi line isch wines gebät, neuronä wärdä nöi verkablet tintä statt bluet, und text statt schrei hiphop treit mini dunkuheit, füele mi frei es isch es ritual, aues isch im flow, rap isch mi schamanätanz, gspürä dr glow tot.em, ghör mini gschicht i jedem ton, errichtes u steues uf voremnä imposantä thron boues nid us stei u o nid us holz, nime boxä, es mic, lyrics, stiftä, machä mi stouz bohrä, schrubä, schnüerä, mässä, boue mis tot.em im wahn wi versässä flammä tanzä im füür näbädrannä, warme schutz, nüm vo wöuf im schafsfäu gfangä was dir flow nennet, nennä i beschwörig, rüefe mini dämone u bittä um versöhnig anstatt verhönig jedi line isch mystisch, d bars e erlösig bruche dr beat, är brucht mi, schomau teil vor lösig nid numä wort, es si bannsprüch mini rhymes schützä mi, jedi punchline funket u schlat zrügg rap isch mini zeremonie, verursacht bi dir hypertonie gfougt vore pneumonie gar nid mau so gsung für di, tuet mer leid aber so entgifti mi mic id mitti, mache rundume e kreis us sauz, öpis magisches passiert, jedä schnauts verbrönnä autlastä mit wort, nur guets söu übrigblibä mini stimm wird zu rouch wo z bösä wot vertribä, di guetä dörfe blibe, di böse dämonä wärdä ustribä nimä dr räst vom bösä, wandles um i minä häng, rap nimmts, reinigets u gits zrüg aus gschänk dr bass schlat, es isch zit fürnä opfergab legä mis härz us stei härä, bereitmache für iz grab churz inehaute bevoris mitm hammer zerschla, wiso sötis nid mache, es hetmer z viu ata aber chas o versta, i wots ändlech in fride la ga, us schmärz so la sta dasis nüm wot ha zies dürä, holä uf u es chlepft, es zersplitteret u hetsech in 1000 teile zersetzt unger dä teilä us stei lüchtet öpis rot, drunger pumpend ligt es funktionierends härz, es isch gar nid tot nenn mi davie jones, i has vor langer zit usegno u ufbewahrt gfüeu us angst verbannt, schmärze gse cho us drum sicher verwahrt begriffä dases sech o nur het gschützt, befreies us dä trümmer stück für stück setzemers wider i u merke u erste mau, es schlat ohni igränzig und ohni qual synchronisation mitm beat, ungerstützes bim läbä, isch vor neu entfachtä lideschaft am bäbä, rituau abgschlossä mitm wüssä iz wirds verhäbä dis zwöite läbe chasch ersch afa wedä begriffsch, das nur eis hesch u das z schnäu verstricht