weld Elblad S.ch

0:00

ولد البلاد حتى الحلمة قمعوني فيها بلا رحمة خايفينها تطلع تبان للعلن بحال النجمة ولد ال بلاد مبحر وسط الظلمة بين البر والبحر كلاهم عندو نفس اللعنة الباطرونا باغيني نغبر نخون بلادي ونعطيها بالضهر وهوما ينهبو الخيرات ويكبرو ويدكسو فالحسابات و يشوفو ولد البلاد ايموت قدام الصبيطارات ولد البلاد عايش فبلاد الحلم فيها محبوس كلشي فيها مدفوع حتى الكرامة تتطلب فلوس ولد البلاد حاير بين اللقمة والدواء وحلم الأم لي باغاه راجل ينفع بلادو مسكينة تبخر فهوا ولد البلاد باغي غي يقرا و يخدم ويعيش بكرامة ماشي يعيش مدزّاز ولا esclave عند الحكومة الحدود فوجهو تسدات، والفرص كلها تبخرات وبسبابكم عايش إحساس كذاب ومعيشينو فالمعانات قلتو ليه صبر راك فطريق النجاح وهو صابر سالت ليه الدموع بلا سماح ماكاين حتى فرق بين الجلاد و المغلوب الكل كيشرب من نفس الكاس حتا لي قال كيمثلنا وعلينا محسوب عاطيها غير النفاق والكذوب الحكومة بايعنا بالجملة نقولها وبلا نقاش واللي راهن و صوت عليه الشعب راه سرق كولشي وما خلاش الإعلام كيزوق والواقع فحال الخراب و مستقبلنا رهنوه بكذبة فكتاب واللي بغا يفيق ويتكلم على حقو ينعتو فيه ويقولو واحد هبيل rebelle ولا vandale ولد البلاد طالب غير يعيش ويكمل طريقو بلا قيود وبلا تهديد و لاتهميش كاع هد الضغط و الحكرة شعلو فيا نار الهضرة ماشي غادي ننسى بلادي ونحرك باش نعيش الهجرة راني مغربي حر ولد الأصل ومانيش عالة ولا من العبيد ومانقبل بالدل و بالحكرة وحق ربي و كل دمعة فالعين حتى نكبر ببلادي و نكمل ونزيد كل نهار نشوفو سيدنا و ولي امرنا قدام عيننا هداك هو نهار العيد ربي يبارك و يطول فعمرو ويزيد والعدو لي ماعجبو حال يطرطق قلبو بالغيض حلم ولد البلاد راه يتحقق واخا دايرين بيه السدود والصوت ديالو غيخترق الصمت و يهرس القيود و يختارق الحدود ماشي غير نكتب ونبكي، غادين نفيقو ونخليو كلامنا سلاحنا قدام لي باعونا فزمانّا وباغين يسكتونا كيف سكتو واليدينا شي مرات كانسكت ماشي حيت رضيت ولكن حيث الهمّ فقلبي ما بقاش يتقال بغيت غير يجي نهار نشوف فيه ولاد بلادي طايرين ماشي بالحريك و البوفا و الدوبامين ولكن بأجنحة ديال الكرامة والحق و يعيشو فبلادهم سلاطين تمنيت كلامي يوصل لولد البلاد ويدير يدو فيدي ونسكتو الخونة و العدو المخفي و البادي و نردو البال لي جاي ولي غادي ولد البلاد كلامو صرخة الشعب وإلى سكت... غادي نبقاو نغرقو ولكن أنا، وأنت، وانت ... ماناش ساكتين على حقنا و بالسلم و السلام وراء مولانا الامام امير المؤمنين حامي الوطن والملة والدين نبايعوه الى يوم الدين شعارنا الله الوطن الملك و رضى الله و رضى الوالدين الله يحفظ لي بلادي من شر العدو وشر العين امين ياربي امين

9 Comments