الشارع

0:00

كبرنا فالزنقة واللعب كان بالحجرة، كلمة صغيرة تولّي حرب فالدقايق تجري. صحاب البارح تفرّقو، كل واحد شد طريق، واحد طاح فالبيلية، واحد شد الحديد. الزنقة مدرسة، تعلّمك بلا معلم، تقول ليك شد الصحاب ولا تبقى نادم. مكتوبة على الحيطان: "الله يخلّص الديون"، وحنا كنخلّصو الثمن بوجوه بلا لون. الزنقة ماشي لعب، كتسرّح ولا تبلعك، البلية تضحك ليك، وفالدخلة تولّي تابعك. واش نختار الضوء ولا نظل غارق فالليل؟ ولا نبقى نحلم نخرج ونطيّر مع الريح؟ البلية مرايا، كتوريك وجه ماشي ديالك، كتعطيك جناح، وفالأخير كتطيح بيك فالحلاك. الزنقة قاسية، ماشي ديما كتضحك، اللي مشى وراها، غادي يطيح ويتفرّق. صحاب القهاوي، صحاب الحشيش والمكيف، كولشي كيبغي يهرب، ولكن الواقع عنيف. بغيت نكتب حكايتي بصوتي ماشي بدموعي، نغنّي على الحرية وسط الزناقي ونوعي

3 Comments