مرجع الموري باللور دي سوڤونير  محفورة كي كان بنادم صافي لاهم لاعيشة مقهورة كي كانت الأرض تعطي الغلة وناس تعظم الجورة والكبير يوقر صغير والصغير براءة وطفولة كنا عايشين واقع ماشي كاتباه سطورة فين أيامات الطباشير ممسحة وسبورة دينيفري فالساحة طرومبيا  وزمزم فعيشورة كي الشوار زين حيت كنا نعظموا الشورى أيام كانت ريال ساوية فيه القيمة مول الحانوت يشدها وففمو راسم تبسيمة كانت لفام زينة تسمع حلاوة الكليمة كان الأدب والصواب وقليلة تسمع جريمة كان الجار يربي ولد جارو وعادية كنت تعرف بنات الناس قليلة الجاريات كان لباس يغطي البنت ومتمشيش عارية كنا يد وحدة حيت اللمة من ديما ساوية. مشات ديك ليام شوف كيف ولينا كولشي ساد عليه بابو فبعضنا ماحنينا راسي يا راسي فالبارانويا ترمينا نرجسيين أنانيين هكا خاص تسميونا لولد مهموم من صغروا تݣول تزاد شارف والأب لي كان قانع ليوم ولا تالف تبعنا الدنيا ولي وقع راك عارف حتا بناتنا تعراو باسم الحرية شنو ربحنا من التقدم غير لخلا لولد لي لعب دينيفري بالدخان تبلا ومول الحانوت مابقاش قانع كولشي غلا وكتروا لي پيدي باسم الحرية دخلنا الشيطان للدار وعند بالنا لعناه دار فينا مابغا حتا قوى فينا لعناد باع لينا لاكتئاب من عندو شريناه كولشي مخشي فبيتو والباب سديناه هذا هو التقدم لي فعقلنا رسموه غسلوا الدماغ براڤو مابقا والو ينشفوه وصلوا لوبجي ديالهم وفالميديا زوقوه وبنادم حال فمو حيت دغيا بيدقوه. #ya7assra#