فشاك شوك كانشك وسط الشوك صعيب تعيش وبيزار تشوف حياتك واقفة على ألو دمسؤول وحتى زهرنا لي معانا طار كي هو ربى الريش خلا أحلام الشبيبة تريسكي فطريق المجهول من بني نصر فالناظور كولشي قاصد البابور كولشي دايرها فيد الله كولشي خوا الديور عايشين مع العفاريت راه ماصعيباش الأوركا وعادي مدام تصوڤا الحالة ويجيبوا الأورو تا واحد مانكر بلادو وخا لبلاد نكراتوا  وتنكراتلو حتى تنكرا واش ولدها ولا لقيط لقى راسوا فبلادات الناس صحيح فصحتوا يسول راسوا عاوتاني واش هنا زهروا لاقيه عارف عمروا يكون ولد ديما يبقى ربيب لي لقى الخير فلي يربي ومالقاهش فوالديه سخرية القدر تعيش فبلادك كئيب وفبلاد ليهود ياحسرة تلقى الخير فماليه القصة مكتساليش هنا رجعوا شوية للماضي رجعوا شوية نفهموا علاش ولا لبحر سبيل لي جون بليديبلوم  وقراية على الفاضي آخرتها بوطو فراس الدرب ومالقاوش بديل الخدمة بألو سي فلان أنا راه ولد فلان  ماشي ولد فلان شد كوان وفتخ جوان وديما سول راسك علاش العشبة فلبلاد مطلوقة ونتا شادك حنشة وباغي يعمر ليك لبلان بلاد حاكماها سكيزوفرينيا ولا مخدوم لبلان شي عايش شي عالة شي باكي شي فرحان الحق طبيعي خدعة داروا بالوضعي ميزان كايبيعونا بلعبار وخاصك تجيب الثمن خاصك تكون لحاس لا باغي تعيش مزيان تكون بنفسك مونتيف فبلاد الأمن والأمان ههه مضحكة بلادي فالتيفي تسوق للغباء حتى ولينا نشوفوا فالميديا الميوعة والكلاخ مزوقين من برا والداخل كلوا رياء كلوا نفاق عايشين بين المطرقة والسندان فصل السلط على لي مقودة عليه بلبيان أما ولد بن ݣاع السلط خادماه en fin وen fin لي مريسكي ماشي بخاطرو معذور مخلي وراه والديه وقلبوا عليهم مفطور ماشي زعامة فيه ولكن لاقي راسوا فلوروب وعارف بلي كاپابل باش تعطيه فحياتو دروس. #الحقيقة#. #الواقع#. #المرآة#