IKAY كاره دنيا حياتي ما راني بيها معلق لي قبلي هدرو كلش ملقيتش واش نزيد نعلق نحكي على باباك و نكلاشي و لا نبقا نسفق ولا نقنط نعمر راسي و نخليه يترتق خلاص ليوم ديسيديت باش نركب البوطي المعلق فوق مواج لبحر كامل نفسي نفسي واحد ما كان يدلق طالع برجل تتعرش فوق خشبة و معايا 13 بنادم لڨيد قالنا ديسيديتو في وسط لبحر واحد ما يقولي ني نادم قتلو ماشاريار مكسر منعيش فلبلاد كيشغل خادم ديمارات لفلوكة و صبري كان على قلبي رادم في وسط لبحر تحس بروحك شعال صغير لزرق من كل بلاص و شادين في ربي لكبير ماشيين 130 كيلو و لموتور بينا ما حابس معانا صغار نسا و رجال مام منهم لي كانت نافس طلع بينا لبحر في وسط ليل الفاڨا تدخل كان لازم نقسو لكيل ارمي لي ساكودو و زيد ليسونس يا ربي منموتش انا عندي ماستار و ليسونس حاب نلحق لبلاد الناس و فيها نصوفي لبلاد تعطي للبراني المعريفة و اللوفي تقلبت لفلوكة و ندعيو ربي تخرج لامارين انا نيتي كانت نلحق نخدم ماشي نشم الكوكايين طلع صباح و جات الشمس ماشي لي نعرفوها لي متحرقش كي تمس بابور اورونج و فيه ركبونا و احسن معاملة عاملونا داونا لسونطر و فيه قعدنا الحمد الله نجانا مي انا مندمتش كي ركبنا 15 يوم قيس ما رفدت روحي و روبوزيت هربة من الصور و نروح لباريس ديسيديت ركبة فالميطرو و انا وحدي بلا دراهم دخلنا على بوردو و انا العقلية لي دور ما فاهم ابري لحقت وين حبيت و خدمة نافيڨيت شهر منافيڨيتش قصر مي لقيت كيفاه نكري بيت بلعقل وليت مسطابيليزي نهار فلاتور ايفل و نهار فقصر الايليزي درت لوروب و شفت كامل واش فيها خدمت لكوارط وقت لبلاد نولي ليها نشوف لعزيزة هادي 5 سنين بلا بيها سمعت بيا جاي الروح ولات فيها هابط من المطار و في جيبي باكي اورو كي صرفت دراهم شفت بياسة فيها عشر الاف دورو بكيت تماك على بلادي زادو فيها غير لي زيرو امبوسيبل تتبدل الا متبدلوش لي حاكيمن لبيرو عنقتني و الدمعة من عينيها محبستش تسيل و انا بلا ما نحكيلكم بلي كان خارج من عيني نهر النيل تلاقيت بولاد حومتي قالولي مرحبا السي الياس ريحت معاهم و تفكرت يامات اليأس الحمد الله يا ربي على كل حاجة كنت تدير انا نجحت لعقوبة لناس لي مزالها تحت البير IKAY ✌️