Kjo del bukur rep

Kjo del bukur rep Kjo botë Ca shtyhen të dalin para, ca të tjerë vriten në gara., ca të lyejnë e ca të lajnë, ca të lëpihen e ca të shajnë. Ca të velin me fjalët mjaltë, kur ti mungon të hedhin baltë. ca të lëvdojnë e ca të përqeshin, ca janë rrufjanë, fajin ta ngjeshin. Ca të lëmojnë shpatullat, një gropë të ta gjejnë, ca të tjerë i rrahin gjoksit, e shpinën ta kthejnë. ca janë të ashpër e vërtetë të ndihmojnë, ca hiqen të butë e shpirtin ta kafshojnë. Ca janë të mençur, ca budallenj, ca janë gjeni fitojnë edhe kur flejnë, ca të pasur e kopracë kryekëput, ca të pangopur e më shumë hajdutë. Ca flejnë, ca të tjerë vrapojnë, ca dorëzohen, ca s’ndalojnë, ca bien e ca më fortë ngrihen, ca fusin hundët, ca s’përzihen. Ca janë te butë e ca janë të egër, ca janë besëprerë deri në eshtër. ca llafazan e ca janë të heshtur, ca janë të ngrysur e ca të qeshur. Ca të mirë, ca më shumë të liq, ca janë kothere e ca me ofiq, ca janë harram e ca të bekuar, ca të pavdekshëm e ca të harruar. Ca të lodhin, aq sa të rraskapitin, ca të tjerë veç ta hanë shpirtin, ca të ndihmojnë e zëri s’u ndihet, ca të motivojnë se gjithçka arrihet. Ca pa karakter, pa moral, plehra. ca janë të thjeshtë e plot me vlera, ca kanë minierë ari e të japin hiçin, ca të shtrojnë thërrime e ta ngopin shpirtin. Ca me dy fytyra e ca të pafytyrë, ca janë shpirtzinj pa asnjë ngjyrë, ca të qajne pasi te kanë vrarë natën, ca janë të rrezikshëm, ca të fusin datën. Ca janë inteligjent, ca injorantë, ca janë modest e ca delirantë. ca janë të zgjuar, ca janë idiot, ca copë mishi, që hanë bukën kot. Ca janë të lexuar, ca janë analfabetë, ca janë si gjinkallë, ca janë si bletë, ca janë të bukur, ca janë të shëmtuar, jo për fytyrën, por si janë gatuar. Ca janë trima në besë e në nder, ca janë trafhtarë, që shesin atdhenë. ca janë maskarenj e bëhen zengjinë, ca janë luanë, ca fshihen si minj. Ca të japin krahë e ca t’i presin, ca janë thëngjij, nga zilia vdesin. ca ta bëjnë zi, rrugën e nisur, ca të lënë rrugës pa u bitisur. Ca janë të vyer, të nderojnë konak, ca mashtrues, e kanë drurin hak, ca kriminelë lyejnë duart me gjak, ca janë pa Zot, litarin e kanë pak. janë trafikantë, ca janë heronj, ca janë hajdutë, ca punojnë me thonj, ca janë amatorë, ca profesionistë, ca janë të lindur artistë në shpirt. Ca janë ligësi, veç dinë të vjellin, ca janë mirësi, veç dritë sjellin. ca janë mirënjohës e s’të harrojnë, ca janë dashuri, që veç dhurojnë. Kjo është bota e veshur lloj-lloj, ca janë me shumicë, ca s’janë dy njësoj, ca janë fallco, ca te tjerë realë, ca rrëmbejnë jetën për nje çast të gjallë. 30/12/2009 Vellimi poetik "Jeta eshte e jotja" ©2009 Ela Zdravap