احمد

فباب الليسي واقف تالف موالف يضحك على بنات الناس قلبو من الرحمة وللى ناشف رد البال بللي كبرت قالها بللي بغيت نتعارف حكراتو كيف ما حكرت اللي قبل منو يمكن بألف خونا بقى حالف كملها غير غنان اللي ما تدوخ بولد فلان تدوخ بالحب والحنان وعنده حلاوة اللسان كل مرة كليمة نهار على نهار الغنزورة ولات تبسيمة صحابات دخلو معاها قالولها ما تونكش معقدة مسكين كيحمق عليك حشومة عليك تعملو هكدا عطيه نميرو بعدا وهادشي عادي راكي ماشي أول واحدة خونا موهوب في التمثيل كلالها عقلها بالها اللي بالقراية مشغول دابا بيه تبلى ولات كترجع للدار مفافية ومعطلة والديها في غفلة باقي كيشوفوها طفلة ما تيقشي بالكدوب وخلي الشرف يعيش ما تخللي حتى ذيب من قلبك قريب يفرس اغلى ما عندك وفالصبح يغيب أ ختي ما تمشيش باش ما تبكيش ما تيقشي بالكدوب وخلي الشرف يعيش ما تخللي حتى ذيب من قلبك قريب يفرس اغلى ما عندك وفالصبح يغيب واحد النهار قالها بغيت نكونو الراس فالراس حيت كان مأكد بللي صافي بغاتو بلا قياس دغيا زرفها وخلاها من لكلاس تهرب مشات معاه وهي تايقة بللي ولد الناس دخلت برجلها حتى وصلت لفراش الفخ عاد عرفت بللي الشرف ديالها غيتوسخ شافت كيف الحبيب ولى ذيب في لحمها ينهش صدمة لعبات عليها فاش رماها برا مع عشرين درهم حالتها حالة باقي ما تافت بللي جرالها قلبها مجروحة وخايف من الدمعة تفضحها تقلب الصفحة ولا حسن تقولها لمها؟! مشى لها كلشي وبقى لها غير السر المدفون عارفة بللي السر شحال ما بقى غيخون والذيب باقي فباب الليسي فاين كيكون وما خسر والو بدل غير التلفون