RA7AA

شقينا وتعبنا نرتاح امتا الهم ننساه تعبانا قلوبنا ومين مرتاح فحياتو مين قال فيها راحه كل اللي من قبلك فاتو قالو مفيهاش براحه دي الصراحه الدنيا تعب وشقى بتدور على حاجه عمرها ما بتتلقى طب ليه بتدور بقى طب شوف كام واحد عايش في الدنيا ومحلتوش حتى السكن والاكل واللبس ميلاقيهوش مرضان تمن علاجه للاسف ممعهوش وحامد ربه وفقره ده من الرضا ممنعهوش واللي مخلف وعلى رزق عياله من الفجر بيسعى مش همه برد او حر وشمس حرارتها لاسعه واللي اتداينت في جواز بنتها واللي بيسرح بالقصعه دي حياه جد رحله قاسيه مش مجرد فسحه حتى اللي معاه ملاين تلاقيه دايما قلقان شركات وفلوس واراضي ومين فيه طمعان هي كده الدنيا هتعيش فيها علطول شقيان مهما حاولت تغير فيها تطلع انت الخسران دي سنه الحياه تلاقي حروب ليوم الدين حتى وقت السلام فياضانات وزلازل وبراكين او فيروس ينتشر وباء يحصد ارواح ملايين لازم نفهم ايه الحكمه والحكمه حاطتها مين يبقى الصح ان انتا تستثمر في مجهودك متخليش في الدنيا حدود ابدا لحدودك تعب بتعب اتعب بس يكون تعبك بفايده تسيب علامه في الدنيا تثبت بيها وجودك والراحه في الاخره ممكن تلاقيها وتنولها لو كنت من اللي تعبو في الدنيا بجد عشانها لو مخليتش الاهك في الدنيا دي هو هواك لو عرفت في النهايه تكون من ابطالها