هاذا استاذ ومعلم يدرس يحلم وحالم باش يخرج طالب عالم ....يستهل تهليلة وتسفيقة بخطوات متأنية رفيقة كاين البعض فيه تنيفيقة ....يلعبها يقري وهو فطفل يغري يجري في والديه يجري.... هاذا ظرب مبرح الفاظ دنيئة تجرح مزير وجهو مهوش مفرح ....على عام حاكم كورسيه ميعرفش لتلميذ يسايسيه اسمو كامل ناسيه ....يقلو جيبلي شوية وندلك استدراك نفهمك غاية وبإدراك حل تمارين في دارك ...رافد ستيلو وقلامة هاذا تنقيط وعلامة نقص ويزيد بلا ملامة ...كاين معلم رزين ناس ملاح وزين يرجعك ملفايزين.... معاه تقرى وتتنعم هاذا تحفيز هاذا دعم يستاهل قبعة والعمم ...يفرحو بيه الطلاب ماهو قاسي ماهو صلاب مايفتش فلخصوصية ماهو قلاب ...عقلك معاه ماتودو حاكم قدرو منور كلبدرو.... وليد الاصولا كاد المعلم ان يكون رسولا