الضيف

كاين الظيف يجي ليك كطيف مليح وظريف... دمو خفيف نكت وطريف مصنف صنيف... ميبسلش على مورا دار يتفهمو ويعذار وقتو مايبذار... كاين صنف دوزيام حاظر في ڨع ليام يصدم كي كونو نيام ...كاين لي ثرثر يضلي ينثر يظرك في راسك ويأثر... هاذا قيل هاذا قال يديرلك مقال نميمة ونقال... يقلك فلان راه فشرع راح طلق سرع صاجي وبارع ...تلقى عندو ميات خبر كي دير تعيا معاه تصبر تبغي عليه دبر.... كيفاش يفهم روحو بغيت نسكتو وراوحو مبغيتش أجرحو.... الله غالب راسي تصدع بغيت شوية نبدع نروح عيه وأدع ...نخليه وحدو فصالو بلاك ميساج يوصلو نقلو سمحلي كنا نصلو..... كاين ضيف وحداخر يجي عندكم باش يڨابر لقشكم يضلي ساخر.... تحطلو ماكلة فطابلة ماهوش راضي بيها وقابلة مهوش قابلة ....كي تغفل ودور يجبد كاميرا ويصور باش يبهدلك ويكور... يروح ينشرها فلفيسبوك باش يعلقو عليك ويحاربوك بدا تروح يرحم بوك ...