جمرة فالڨلب

راح نقول كلام واقع ماشي خيال لعقل سلاح رد يالك تحڤر الناس مهما دار بيك الزمان وطلعلك الشان بالاك يغرك الشيطان تبع شهوات لقرعة والكاس شحال من سلطان فوق عرشو كان جاه وعز وكلا حق الناس عاش في سلام وليوم تقلبت لوزان بين ربع حيطان رجع يبات نهار مور نهار عام مور عام صايي فات الاوان ماينفعك لاحزن ولا ندام وتقول لوكان غير يرجع الزمان كيما كان رجلة افعال ماشي اقوال ولا مال كل انسان يتحاسب على واش دار دنيا فانية فايتة رحمت ربي واسعة عباد جاهلة كافرة ڨلوبهم ميتا حاڨرة روسهم من داخل فارغة حڨرة الرجال واعرة دمعة فالعين سايلة جمرة فالڨلب شاعلة شبيبة مهلوكة هاربة في فلوكة فليلة ضلمة عاصفة هايجة ولموجة عالية شقق البحور مخممش ياكلو الحوت الدنية فانية ×3