#زنزانة

#كلمات #ياسر_المناوهلي #زنزانة يا محكومين بالخوف .. والعيشة زنزانة واللقمة نازلة الجوف ... بكرامة .. متهانة يهون علي الدنيا .. مين كان خوفه إرتضاه .. في يوم يتهان والخوف ده مالي .. عين السجان شايف الخوف .. جاي من أبعد نقطة شوف .. جاي وبيلعب عالمكشوف .. شايف مارد جاي من عتمة ليلنا وفارد ماسك سيفه وناشر زيفه وبيتحكم .. فينا بكيفه ما تحرر عقلك م الخوف .. مرة وشوفه يمكن تلقي المارد .. عامل مارد يمكن عايز .. يخفي ضعفه وخوفه جايز انتا .. اللي لاقاك وحدك شارد جايز بعد الليل .. فيه نهار مين قال .. انك مجبر تختار بين سد الجوع وبين جبين مرفوع يا محكومين بالخوف .. والعيشه زنزانه واللقمة نازلة الجوف.. بكرامة متهانة لو كنت خايف .. لأجل تعيش لا تطول كرامة .. ولا تطول عيش ولا يوم هتسمع .. إلا مفيش مفيش .. مفيش .. مفيش --