سلام علي الايام

سلام علي الايام ف زمن بصدي البشر من وين يجي السلام والناس شبعت حمام بتغني للملامه ملامح الخير سوداني مفروز من البشر أغاني قونة في اللسان في القلب فاتن حمامه صدر الغنية كاشف ف سترتو بستيانة سنيت حنك لانو عارف البييت مع الكلام دا مابي يمشي كبيت رندوك للبيت حروف الغنية خانقه البيت جوا توسانة الناس بتقول والبتقول ما مهم المهم انو كل ما قالو اعرف انك ماشي في المهم كلو الباعو كتار الباعو السوق الكاشف مغري بعتو بدون القيمة الدنيا فينا عشارنا ناس كنا ليهم زي رتينا ختينا قيمة وما لقينا غير نميمة خير الكلام م دله كتر العتاب محبه طول الغنية لمكلتوم حسسني بالملل ما فاضي للعتاب كب الباعك جو كأس واشرب مرة الايام في نص الناس تتراكم خبرة من تجارب مافيها غير الحسرة دا حالة دنيا خطتني حال في الاستوري قبال اشحدها ادتني لوني اسود القيم دا زاتو اسود وجبتي الشهية برضو اسود انت جنبي لسه بشحد القيم حرق بسمو باص وجهتكم ضايعة اتجهت ل التراث ف لكل طول مقاس كلام تجاري جاري بدون لباس ترزي الحروف بفصل قافية تتلبس لكل الناس سلام علي الايام والزمن ببين معادن الناس نصهم البصدي انت حصان مصنوع عشان تحدي ظروفك بحر جدف اكيد حتعدي اصل البشر مخلوقة في كبد يوم مندي يوم مصدي مهم كان ظروفك ضاغطة خط وضع التحدي مصير الدنيا في يوم بعد تشيل بتدي