الضلام

فوسط الضو كاين الضلام فوسط الهدرة كاين الكلام كنحس براسي تايه فهذ الأيام كلشي كيدور، مابقى شي نظام حلمي بعيد، كيشبه للسراب كنجري و الوقت داير بيا بحال لعقاب مستقبل غامض، مكتوب بلا كتاب فين غادي؟ ما عرفت، كنعيش بلا جواب ناس كتقول: “خليها على الله” و أنا كنقول: “واش باقي فهذ القلب صلاح؟” كل نهار كنفيق، كنقلب على مفتاح باب مسدود و الريح دايرة فيه جناح بغيت نعيش، ماشي غير نكون ضيف كنسول راسي: فين غادي؟ شنو الهدف؟ كنقلب على الضوء، فوسط العتمة و الخوف المستقبل كيضحك، وأنا كنخاف بغيت نعيش، ماشي غير نكون ضيف رآني ماشي عارف شكون معايا شكون غادي يبقى، شكون غير مرايا فالمراية كنشوف وجه ماشي ديالي زمن تبدّل، و الضحكة ولات خيالية بغيت نعيش، ماشي غير نكون ضيف حياتي فيلم، بلا سيناريو واش النهاية حزينة ولا فيها بصيص ديال ضو؟ ما كرهتش نطير، نخرج من هذ الجو نلقى راسي، ونبدا نحلم من جديد، لو! بغيت نعيش، ماشي غير نكون ضيف