NBNG - حياة

مكنشوفش بعيد عندي عما الأبعاد مكنشوفش قريب كيبالي فيه غالعذاب مكنشوفش غاع ضلام مضوي عندي الأجواء عمري تشوفني فرحان حيت مكنماركيش الأهداف عندي نقص فالأداء ونقص فالأداب اه كندير لي بغيت حيت غا هذا ما كان اما لي بغيت راه كثر تبليت كنخسر ماشي لواقع لي مر را انا لي عور كنشوف حدايا الأهداف بحال شي نونيز غا كتمر كنفكر فلا مبالات غير فالهواء رتاحيت فهاد الأجواء حيت مبغيتش نفكر فالجواب ديجا غوتلك كنشوف غا فضلام دار معايا جواز طحنا انا وياه فغرام لقيت راسي معاه فحجاز بنينا انا وياه هرام لي وصل للقمة را انجاز حنطوني فيه بشكارة قنعوني بلي هادشي لي جاز حياتي مختاريتهاش أنا ختاروهالي جهات داكشي علاش لا دارو عليا فيلم غتكون سميتو جهاد كون كانت حياتي علم عمرهوم ايقرويه للوليدات كنفضل نعيش بلا اسم باش نهار نمشي يغولو فلان راه مات انا غا روح بلا جسم كترسم فطراكات داكشي علاش فديني كاين تعدد الكتابات عندي تعدد الهوايات تحدد النهايات را كلما قربت كيقربولي الإصابات فدماغي كاين عصابات وكاين نقابات كاين دول كل نهار فيها انتخابات كل نهار امتحانات ميت فالحانات ولا ميت فالحنان مِية حالات نصهم غاعما حالال نفهم فغاع العالم الا فين عايش أنا ، انا بوحدي علام بوحدي سماء بوحدي شتاء وبوحدي سماد انا دورت الحياة ودوري فالحياة هو نعطي ضهري للحياة ونسمع لمن تنادي را لا حياة