بين اليوم وغدوا متعرفش واش يصرا بين الظلمة والظلمة متعرفش منين الغدرة في طريق مضلمة باقية شمعة نكمل بيها حياتي ونطيح ونوض وتطيح الدمعة كي نتكفر ذكرياتي راني عايش سولو راني عايش الاز لاهي بحياتي معلاباليش بحيات الناس لي ملقيتهمش في الوسع كيفاش نلقاهم فالضيق ونهار تقودت عليا ملقيت لا صاحب لا رفيق درك الناس ڨاع تخدم بالدوبل فاص يقابلك بالمليح وغدوا يقلب عليك الكاس ماخصني واحد نستغله ماخصني واحد يستغلني ماخصني واحد نفهمه ماخصني واحد يفهمني صايي بزاف شحال من ضربة طاحت عليا سبابهم غير واحد صاحبي كنت داير فيه النية علاش هاكذا الغدرة تجي من عند لقريب علاش لي نصاحبه يدور عليا كي الذيب راهم يسربوا فالسم وماتقدرش تشوفو كيما هاذوك اللفاعي لي منهم يخافوا عشت وشفت هذي الدنيا وعفتها الخير والشر جامي ننساهم المر والحلو لي فيها حفضتها انا لي جوزته وهوما بكاهم مايحس بالجمرة غير لي كوات عانيت بزاف في هاذوك اليمات الي فاتو خلاصة القول حمدلله ياربي كايني لي راه يعاني كثر منك الحكاية طويلة في سنين تفهمها يحبس مخك