الناس تشوفي في الشارع تقولي ان شاء الله طب ارد واقول طب ده هل ممكن يحصل بجد يقولو ادعي انت بس واقول يا رب بس الدعا مش كفاية صحيح ربك قادر يغير اي حاجة بس الصراحة لازم تجتهد عشان تنول مش رايح جي طالع نازل والاسم رايح الدروس اما انت كده ايه اللي دخلت يا صاحبي ثانويه وانت اصلا منها مقفول انت زي ماتكون عايز كل فتره واحد يديك لبوس انت يابني لو كملت كده هيقولو عليك واحد ملبوس انت عارف يابني اهلك بيعملو ايه عشان يجبولك فلوس ساعتها وبدون تفكير هتروح علي رجليهم تبوس الشغل صعب في مصر اوعي في مره تفكر انك زيك زي اللي عندهم في البلد ده نفوذ بس لازم نجتهد عشان في النهايه نقدر نفوز صاحبك اللي ماشي معاه وتقول عليه ده اخويا مش عايزك احسن منه فهمت الكلام يا خويا؟ محدش في الدنيا ده يخاف عليك اكتر من اهلك فلما حد يزعقلك اوعا تزعل منه ابوك ده الوحيد في الدنيا ده عايزك احسن منه يابني انت لو فضلت كده ممكن من الدنيا تتشال انت نازل نازل نازل زي ماتكون مية الشلال لو عايز استشاره روح اسال هلال ممتحججليش وتقولي هسال نهال بشوف ناس بتشرب اروح واساله بدات ازاي يرد ويقول واحد صاحبي عزم عليا زي مايكون بيقولك لو مختهاش هتبوس رجليا لو فعلا لحد دلوقتي مصدق ان ده اخوك زي مابتقول طب ليه حطك علي اول طريق الشر وسابك تسعي كده وانت علي الضرر ملهوف في النهاية عايزك تسعي وتزاكر بجد متقولش هبدا ولو من بكره الاحد انا اول واحد عشان مزعلش يتقاله الكلام ده متقوليش انت مش عارف ظروف حد او ممكن تقولي بص في ورقتك وبطل حك هقولك اعمل اللي انت عايزه واكون نصحتك يابني انا اخوك بجد وعايز مصلحتك ترد وتقول انت ليه يا صاحبي متناقض نسيت اقولك فوق ان في اسثناء اوعا في يوم تكون من الدنيا مستاء في ناس بجد عايزاك تدعي يا رب اهديني وابعد الشر من حواليا هتلاقي بعدها نص صحابك سابوك ساعتها تفرح من قلبك وتقول مبروك هما دول يا صاحبي فعلا صحاب السوء الدنيا ده عايزها اللي يتجاوب معاها وقتها هتلاقيها في ايدك زي الهواية