صافي تطلق لانستري ها اللسان فالورقة غادي يعلق كلام ثمين وغالي وجد ذماغك باش تخلص الراب كاين فكون خالي و الوقت بين ليام كيتملص كي الجنازة كي العرس عندي هضرتي كعما غتتهرس هانتوما شوفو الفهرس قبلما تفتحو القاموس ولا سرجو الفرس و تبعوني كي الناموس انا فوق ليبانش كعما تلقفوني منحوس لساني مسوس كي الموس مطلوق فوق هاد السمفونية ناعس مع الراب فوق نفس الناموسية تما وقعت الفرشة..شيطاني صونى عليا لقى الدنيا مفرشة قدامو بلا حتى شي عملية نورمال نسمعوا ناري مال هضرة ناريمان موحال تربي رجال كي أي رون مان كيفما فالأنيم كان إيرين مان بقاو فيدي غي قشور د الرمان باين متوايا جهنم سمايا لتحت و ارضي الفوق من الحياة مزال غي كنذوق بالسوارت فالبيبان كندق اما الزق باغي غي نفردق هضرتي علمية و الغمة بليس نوبليس فالراب ابليس مكابري بالتوبليس فالغيس ممفهومش كي الكلاص فزمان الفيس بالطباشير فكلاس بسيكو تتحير واخا تكون كلاص الحرب غي بليبانش هنا مكاين قرطاس بالريشة و القرطاس حارك كاع ليزيطاب وغير بليزيات غاذي نزيتها لكاع لي طاب مكهمش واش ملعق ولا طاب لي كيهمني هو لي من الراب معاشو طالب ارا شعل داك الريشو لوح الفروج بلاما تريشو انا على نار مهيلة فالزيت غاذي نصلقو فاك لكاع لي باللحيس سلالم الميم  كيتصلقو فالراب مأدي قسم اليمين حيت مالين لعقل كيكذبوا فاس فالمغرب هي الساس علاش المستعمر داز عاس ارى نقلبو الكاس على كاع لي مامعاناش و لي مابغاناش يسير يتحوى را النفاق مادياليش كي حكيم زياش فتشيلشي عمري نكون عياش فاطمة الفهرية فيها الرية و الكواري طايحين هادشي علاش قد جئنا لنقول ان كاع الفخار أصلو طين اللسان فالفم عايم كي اليوجين و نتوما طحين انا قدام الفران كنلعب باللغة كي العجين قبلما يطيب بنادم من جنس الطواجن عقلية الدواجن محال تتخيل الحياة بلا سحر و جنون الجنين فكرش الراب فالمني ديالي كيعوم تم تماكي تشومسكي نعوم سير تماكي را بسيكو كي الويسكي يخليك تشوف النجوم بنهار