رغم قسوة الظروف واللي انكر الجمايل ونسي المعروف ولي على ذكرياتي بيدوس من أجل حفنة الفلوس رغم ان حلمي ساكت ما بيقوم ونظرتي الحزينة للنجوم رغم الحجارة اللي في معدتي وراسي اللي دايماً على مخدتي رغم الأحتمال وحالي اللي بين وبين رغم الورقة والأستيكة وخطي الحزين رغم تجاعيد ملامحي والدمعتين رغم البكى والأم والأنين والحب اللي راح والحنين رغم العمر اللي فات والسنين رغم السكوت والصياح والظيطة وطموحاتي اللي لبست في الحيطة رغم احساسي اني دايماً عالة وقلبي اللي خدوه حطوه في الزبالة رغم اني نسيت ازاي افرح ثابت مكاني زي حد متكسح رغم احساسي اني دايماً تايه وعاوز اروح رغم المفاجأة والصدمة والأنهيار والملل والوقفة والأنتظار رغيم الصبح اللي من غير نهار والكئابة والأنطواء وقلة الهزار قادر أكمل..قادر أكمل..قادر أكمل رغم تخدير اطرافي وجسمي المنمل رغم لخبطتي ولخمتى والحد اللي جوايا مهمل رغم اللي جمبي بيكح والعيان والعليل واللي فطسان وسط المناديل رغم جرح ايدي من ازاز القنديل رغم النملة اللي اداست تحت رجل الفيل رغم السلعوة وجن اليل والجاثوم ووقفتي في عز البرد من غير هدوم رغم احتياجي للصحاب والمفتاح اللي من غ