فى كل لفة عقرب ساعه عمري بيتسرسب بيعدى الناس في الدنيا بتتغير حتي الحديد بيصدي وأنا الوحيد واقف مكاني ثابت فى ناس اختارت سكة صابت، ناس تانية اختارت سكة خابت احساس قاسي وصعب لما الناس تشوفك فاشل ابوك وامك واخواتك واصحابك شايفينك عاطل قوم يابنى اسعى وحاول، والله غلبت احاول ياما حاولت وقبل الجون ما ييجى يطلع فاول معنديش مهارة، وحتى كوسة ،وحوستى حوسة، ودوست بعد اخر البنزين بدوسة فى كل مقابلة شغلانة يتقال لى لف نفسك بشهادتك مدد بجنب اي حيط وخدلك بوسة رجعت فلاش باك حسبت سنين عمرى تلاتين سنة لقيت حسبت تانى وتالت واتخضيت ببص فى المراية كم شعراية بيضة لقيت، وابويا هو الى لسة بيصرف ع البيت بتعامل من عيلتى على انى عالة، وحالتى حالة ثقتى بنفسي راحت، النجاح بقى استحالة نفسى اهرب من نفسي و من حالتي ومن عيلتى ومن الدنيا نفسي القى دنيا تانية اهرب ليها لو حتى ثانية وفي يوم قالهالى صاحبي واللي يدلك ع الطريق ميفيدش الصاحب غير صاحبه اسمع من الصديق قاللي فى قعدة ضرب حلوة بليل عاملينها سألته هاش؟ ضحك قالى بيسة، قولتله لل أدمنها! قالى متخفش مش ممكن تدمن من اول شكة اقنعنى بليل فعلا شكيت لى اول شكة مفاصلي ساحت وارتاحت وروحى راحت بكلم نفسي من جوه برغي من بره ساكت همومي شبه تاهت والرؤية باهت في باهت كل مشكلة كانت عندى فى الدنيا ماتت وتاهت عدت ساعات فى ثانية لقيت الصحبة قايمة دخلت بيتى وش الفجر عيلتى كانت نايمة دفنت نفسي تحت البطانية جسمي متلج نمت فى أقل من ثانية نومت واحد متبنج قطر الحياة بيعدى بسرعة سنة في سنة فى سنة، وانا زى ما انا من لما كان عندى سنة هى هى الحياة هو هو انا انا زهقت طهقت من الحياة تقدر تقول مليت أنا صحيت وكنت رجعت تانى للواقع والعكننة عدى النهار بطىء كأنه كان شهر وسنة نفسى النهار يعدى بسرعة واضرب تانى ارجع ملك زمانى بعيد عن العالم اللى رمانى خلونى اضرب معاهم كل يوم وبتعزم خلاص دخلت السكة والطريق بيترسم فاجئني صحبى فى يوم قالهالى في وشي خف تعوم اجيب فلوس منين ليا وليك نضرب كل يوم شخشخ جيبك يا من قعدتنا دي تكون محروم من النهارده مفيش ضرب ببلاش مفهوم مفهوم روحت وتانى يوم فى ميعاد الضرب جسمى اتكهرب كرابيك فى ضهرى ومناخيرى سايلة وبتسرب عاوز اضرب منين اجيب فلوس منين اجيب فلوس بدأت استلف من كل اللى اعرفه وادوس وحتى اخواتى خدت منهم ياما فلوس دروس كله كرهنى وبيهرب منى تقلت ع النفوس خمسين جنيه فى خمسين فى مية فى مية بسرق يوماتى فلوس من البيت وكلو شك فيا نزلت بعت كل حاجة جتلى فى يوم هدية خلصت فلوسى لحد فى يوم ما جتلى فكرة هيا؟ هيا؟ دهب امى موبايل اختى لاب توب اخويا سرقتهم نزلت اهرب من البيت وقفنى ابويا حاول يمنعنى مسكنى من ايدى جامد زقيته اتخبط في الحيط و بصلى ازاى ابنه وأذيته خد منى كل حاجة وتربس الباب غضب ساعتها طلبت اغرب حاجة ممكن تتطلب عاوز فلوس حالا يا اما هرتكب جريمة اتهمنى بالجنون وادانى كام شتيمة ببان كل الاوض بتتفتح عيلتى بتتفرج لسه يستوعبوا يمكن ده جد يمكن بيهرج سحبت بنت اختى تلت سنين ناحية شباك هاتوا الفلوس لارميها فجأة زاد الارتباك امى بكت بحرقة ادامى فوقت لثوانى رمتلى فلوس وبصوت عالى مشوفش وشك تانى امشي ملكش ام يا ابغض من شيطانى خدت الفلوس وجريت عارف مش راجع بيتى تانى قطر الحياة بيعدى بسرعة سنة في سنة فى سنة، وانا زى ما انا من لما كان عندى سنة هى هى الحياة هو هو انا انا زهقت طهقت من الحياة تقدر تقول مليت انا خسرت كل أهلي وصحابي بقيت وحيد، ومنين هجيب فلوس لازم القى طريق جديد فجأة افتكرت جار من سنى ساكن لوحده طول عمره ابوه فى اعارة بره مصر وشهرى فلوس يبعتله شديته زي ما اتشديت انا لنفس الطريق لقيت مصدر فلوس جديد وبيت ولقيت صديق نضرب سوا بفلوسه وفى بيته ملناش ظهور شقى سنين ابوه خلص كله فى اربع شهور، وفى ليلة بنضرب جاتله مكالمة مصدقهاش ابوه عرف ان ابنه بيسرقه واتنقل انعاش كل عصب فى جسمى اتوتر زودت الجرعة اكتر الجرعة المعتادة خلاص مبقتش تأثر شريط حياتى بيتعرض ادامى أخبر في الخبر ضربت سم فى عروقى زودته اكتر واكتر نفسى افنى واخلص من الدنيا زى المية اتبخر كمان زودت سنة جسمى كلو اتلون اصفر صاحبى اتفزع قام واتسرع مالك اصفر ليه يا جدع جسمك عرقان وبتترعش زي اللى من الحية اتلسع رغم أنى غرقان فى العرق جسمي متلج موجوع وجع من خضتى جيت اصلب طولي جسمي ع الارض اترزع جسمى رافض لكل امر منى القوة اتهدت، والدنيا بتضلم تدريجى واحدة واحدة اسودت اخر لقطة فى حياتى شوفتها كانت مأساة صاحبى مرعوب وبيراقب فراقي للحياة قطر الحياة بيعدى بسرعة سنة فى سنة فى سنة، وانا زى ما انا من لما كان عندى سنة هى هى الحياة هو هو انا انا زهقت طهقت من الحياة تقدر تقول مليت أنا عمري بسرعه انتهي رجعت شريط حياتي ملقتش في حاجه عدله تتذكر لي عملتها حياتي راحت مني كلها ضيعتها ندمان على كل لحظه غامقه في يوم انا عشتها يارب اديني فرصه تاني ارجع للحياه همشي في طريقي صح لحد اخر منتهاه دي حاجه صعبه فعلا انك تختفى من الدنيا، والناس متفتكرش بحاجه حلوه لوجه الله اقرأ المزيد على موقع محتوى: https://www.muhtwa.com/23422/%D9%83%D9%84%D9%85%D8%A7%D8%AA-%D8%A3%D8%BA%D8%A7%D9%86%D9%8A-%D8%B1%D8%A7%D8%A8/#i-5