Olsa qanun gecə vurmaz maşın öldürməz adam, Məsləthdir bu fikirdən daşın öldürməz adam, Heç bir halda öz həyat yoldaşın öldürməz adam, Var sivil forması dünyada boşanmağdır adı... Bir qadın qətl eliyib sanma yenilməz qalasan, Canı sən verməmisən kimsəyə canın alasan, Yox bəraət səriyətnən də əgər xırdalasan, Bu işin bir adı var Allahı danmağdır adı... Yazığ insan səf edir keçmişi zornan unudur, Var adamlar qınağ obyektidir hər gün söz udur, Cəmiyyətdən qınağın ölkədə son həddi budur, İntihar məhfumdur candan usanmağdır adı... Qadın aldadmağa qəsdən hədəfin varsa əgər, Eləməzsən bunu insan tərəfin varsa əgər, Kişisən düz danışarsan şərəfin varsa əgər, Bu işin sevgidi bir yerdə uzanmağdır adı? Xeyli var boynuyoğun enliqarın pulla satır, Toplayır qızlar əhatəsinə barın pulla satır, Gəl deyək bir qadın öz etibarın pulla satır, Kişi aldınsa əgər şəhvətə qanmağdır adı...