#عاودتها وضحت الصوت... قعدت وحدي خلوي نكتب فالظلام الورقة مريضة نعطيها جرعة من لكلام رحت فعالم بعيد اسمو التخمام نشوف لي كوشمار لي كانو احلام نشوف حياتي راحت و انا عايش فاوهام خيرت نعيش وحدي كيما الذيب قلبي مجروح و مريض ما يداويني حتى طبيب ناس لقات لقدر باطل راحت تشري فالعيب باش تعيش مع الواقع بزاف صعيب الوحدة صاحبي تولد الابداع تتفكر الماضي اللي ضاع تتفكر اللي كان مليح و نحى القناع تتفكر وثقت فيه و ظهر خداع اللي فرشتلو طريڨو ورد و فرشلك اشواك اللي حطيتو فعينيك اليوم عماك الطريڨ لي خيرتو و الواد اللي داك الحڨرة اللي عشتها و الشارع لي قراك كل قبل مترقد تصنع فراسك الف حكاية كي تفيق تلقى كلش تحطت عليه نقطة النهاية نفس السؤال يتعاود كل متشوف فلمراية ڨداش من سطر كتبتو و دمعتي طايحة واحد مفهمني حسبو سبابي جايحة مام طريقي منيش عارف وين رايحة الڨمرةلي كانت تضوي غابت عليا كل يوم كاره الكية تواسي كية ماشي لافيدا لوكا عشنا الميزية كل يوم خبطة حتى نولي نشوف فلو شربنا غير غير المر و مذقناش لحلو دور ذاك الڨارو متحلبش طفي الضو متحكيليش على لبلاد والو معطاتلي ماشي ليكول انا الزنقا لي قراتني يما سمحيلي ورا لبحر نشوف حياتي كان نبقى هنا محال نتوب نحب نروح بعيد نشوف الجنة فلوروب كل منقص نلقى روحي نزيد الذنوب شعب راضي بالذل و ساكت شبعونا ذل و قتلونا غير بالساكت لبلاد حكموها سراق حتى تخربت مبقاش كلام صافي ووالنية راحت ولد فلان دخل بابور كوكايين واحد ماشاف المهم يكون باباك واصل و عندك لكتاف كاين حرية التعبير مي بالاك تقول الحق وعود كاذبة خزينة فارغة واحد منطق الزوالي معندوش باش يوكل ولادو روحو شنق صحاب لكراسة دايرينها لعبة و الشعب يصفق المهم سياسة ماشية و الشكاير معمرين ولاد الزواولة فكل كوانة بجوانة طايحين بلاد يمشيو فيها بخيوط راشيين مكانش تصدير مام المرض جانا من لاشين كان نبقى نحكي محال كلامي باش يفض كرهت حياتي هنا نستنى غير الروح تنتفض