يوم ميلادك حبيبي يوم ميلادي أكيد يعني معقولة أنا أنسى يوم ميلاد القمر حافظ التاريخ والله مهما كنت عنك بعيد هو 5/5 لا لا دا 10/5 يووووووه ... خلاص خلاص اهو 1/5 انا فاكروه من يوم م فكرت اكتب عنك ف قصيده بسيطه و عن يوم ميلادك و يوم ميلادي أنا في عيد ميلادي الجاي هَشيل من روحي حِتَّاية وأبَعتَر نَفْسي في الدُنيا عَشان مَكْبَرش ويايا مَنيش حابِب أشوف قلبي عَجوز وبيبكي جوَّايا أنا عايز أسيب ليا بقايا فـ كل ضِحْكاية وبَسمة فـ كُل قلب واكون حِكاية وقصّة ورواية أنا في عيد ميلادي الجاي هَحوِّل نَفْسي تورتاية و الله ي بنتي انا احترت ادعيلك ولا ادعي عليكي اقولك انا خلاص قررت "ربنا يخدك و يجيبك عندي" هما بيقولوا عيد الميلاد ... بلالين و هدايا ولبس جديد انا اسف مش فاهم يعني ... مهو انتي اساساً عندي العيد هجري عليكي واقولِك ضُمي .... كوني بديل عن ابويا وأُمي ربك قال .. أن البنت دي رحمة وبيت نص الدنيا بحالها وجودها .. قرري بس وقولي حبيت طب اقولك شوفتي الفستان الأبيض انا شايفك اصلاً جواه طب شوفتي النونو اللي فـ علبة انا شايف بنتك شايلاه انا شايفك اصلاً يا حبيبتي في ايديكي ابنك ومسكاه وطريقي اللي مشيته لوحدي مـ الليلة عيونك وياة