بيقولوا الوحدة بتعذب بس هيدا مش صحيح متل العاصفة بتغمر قلبك، مندون ما تحس بالريح فيا الهدا و السكينة لما الوضع مش مريح هيي الدفا و السكينة الما بتطعن قلب الجريح هيي الدمعة اللي بتواسي لما الحزن يرافقنا هيي الشمعة اللي بتضوي بس نقرب ما بتحرقنا التوحد غير الوحدة، وحدة منن صداقة و التانية بتغمرنا بالعتمة بتسرق منا الإضاءة صديقك هو نفسك قبل ما تصادق أي انسان ما بعمرك بتكون وحيد إذا بنفسك عندك إيمان بالحياة في كتير مصاعب و يمكن منا مصائب تعلم تحمي حالك، تعلم من جوا تراقب لأن القشور خداعة و ببساطة بتوديك مطرح إنتا ما بدك و من بعدا بترجع تإذيك الوحدة وحدة.. مش متل ما مفكرينا الناس "حاسس حالي وحيد" بفضل ما انسى هالإحساس الوحدة اختبار "أكشف ذاتك تعرف نفسك" ما طلبت إنك تنعزل ما طلبت إنك تتنسك كون راهب بحياتك و ناسك بعلاقاتك خلّي بقربَك رفقا و رافق نفسك بذاتك ياما الوحدة حلت مواد المجتمع سقط فيا ياما الوحدة فضت مشاكل نحنا ما النا فيا لازم نعيش الوحدة ،تنقدر نقدّر حالنا تما ننشرى بكلمة و نبيع اللي تبقى مننا النفس جوهرة ،مش موجودة وين ما كان موجودة بمطرح واحد، هو قلب الإنسان يا بحافظ عليا و بخليا تضوي بعيد يا بخسرا كل حياتي و بحس حالي مش سعيد الخيار بيرجع لإلي إذا راح ما بئ يرجع بكون حكيم بخياري أو من بعدا لح اتوجّع سمع.. بس احكي صوتي بينسمع ممكن ما يوصل للناس،بس ما بعمرو لح ينقمع لأن جواتي في صدا، الوحدة عرّفتني عليّ و من وقتا صرت حب نفسي، و صرت لنفسي خيّ...