"لبنان عم يتنفض" هيدا هو اسم الثورة لأن سقطوا حكامو...... و ما في إعادة دورة من الشمال للجنوب و من الجنوب الشمال من طرابلس لبيروت، من الهرمل لعرسال ٣٠ سنة من الظلم،القهر و الاتسعباد.... الذل الجوع الفقر الموت.. و الاستبداد هيدا أول تشرين بس بعد في تاني تشرين إذا عم بترهانوا علينا اي لا.. نحنا مطولين بالشارع باقيين.. صامدين ..لآخر نفس لو بدا تشتي الدني و لو نصنا بدو ينحبس عم نطالب بحقوقنا مش عم نطلب مستحيل خسرتو ثقتنا فيكن، خلص كل واحد يستقيل كلن كلن كلن ..و كلن يعني كلن يقومو عن الكرسة ..ممنوع بئا يضلن زرْعوا فينا الطائفية قالو لحالن "هيْ هيِ" بتقسم شعب لبنان إسلاام و مسيحية! نحنا كسرنا هالقيد بالوحدة الوطنية بالشارع فرجيناهن انو وحدتنا قوية إذا الجوع بوحّدنا، و الجيش طول عمرو حدنا بس عندي سؤال.. لك قولولي مين قدنا! نحنا لبنانية و ما منستحي بهويّتنا كل العالم شاف .. و اتعلّم من ثورتنا أملنا بلبنااان زاد من الصفر للمية و ثورتنا بعدا مكملة و أكييد بعدا سلمية الشعب.. يريد.. تغيير النظام! حلال الحكم إلنا بس إلن هيدا حرام! كلنا عم نشهد هلأ ولادة لبنان جديد لبنان غير اللي كان، لبنان قلبو حديد مدارس أو جامعات... خلو التلاميذ تتعلم كيف بيتعمر وطن.... شعبو ما بعمرو استسلم """"كلنا للوطن، للعلى للعلم ملئ عين الزمن، سيفنا و القلم سهلنا و الجبل، منبت للرجال قولنا و العمل، في سبيل الكمال..."""" خلي التاريخ يشهد، بدل ما العالم تشحد إنو انتهى حكم الأزعر و لبنااان عم يتجدد... اليوم الحكم النا، و صار في عنا مستقبل حزبية طائفية صارت ماضي عم يتبهدل حزب الله، مستقبل، قوات لبنانية أمل قومي سوري اشتراكي او عونية صارو خارج تفكيرنا لأن صار بدنا نتقدم و اللي بعدو وراهن،متلو متلن رح يتهدم...