ليك خيي عندي الك كلمتين مش كل يوم شمس و مش كل ليل قمر ضاويي، في عاصفة بتحجب الاتنين،و في هدوء ما بعد العاصفة، و هيك السفينة، بالحالتين و بالآخر لوين؟ كلامي منو عادي بس عادي اني احكي بيعبر عني اكتر من همي البدي اشكي انا اقوى مما مفكر و قلبي لحم من حجر شايف الحجر رايق بس مش شايفو عم يتفجر لأنو عقلي فيي بس أنا مني بعقلي يمكن بين اني ضعيف...،بس ما تنغش بشكلي الله خلقني بكون مش كرمال عيش بزريبة او ضال عايش ببلد بدي اهرب منو هريبة _________________________ لازم ننسى التعصب و خصوصي ايام الحرب اذا القديم انضرب الجديد اكل الضرب اي نحنا الشرقيين صار عنا عقدة من الغرب لأنو سبقونا بس بطلنا نحب الا القرب غشينا حالنا كتير بكتير من الأساطير العصفور خلق عشجرة بس بالآخر بدو يطير لأنو عندو جوانح و عندو كل الإمكانات طب شو ناقصو الإنسان؟ما في عندو مكنات؟ حاج نحكي حكي عجائز نحنا منمشي لقدام صار الشب ابو الطموح ،طموحو شوية احلام و الألعن من هيك ،اللي عايش مع ام و اب كان طموحو يصير طيار راحت طموحو عالكب هو حب ياخد هالدرب،بس لأنو بحبو في ناس برمت ورا و طعنتوا بقلبو كل انسان بيخلق حر، تحت سقف ترباية ما بيطلع الشب زعوري و لا البنت بتطلع حرباية و النبتة سقيا مي، و اهتم فيا و غذيا ما معقول تطلّع شوك ،عكس ما انتا مربيا و هيدا الشب الناضج ،يلي أهلو بيقمعو بحدّولو من نجاحو بدل ما يوقفو معو شي منو طبيعي، انو النجاح صار للتحريف كل ما بقول شو هدفي،بصير هدفي تأليف... بعدو حكيي عالخفيف،لسا بلا تلطيش لأن ساعتا هيك،لساناتن بدا تأطيش ليلّي كذّبوني، وعن لساني حكيو بالعاطل مش انا اللي خصران،لأني ما بحلف بالباطل