صرلي فترا عم فكر كيف عم تفتر أفكاري كيف بإذي حالي قصد و بإيدي بشعل ناري احترت بأمري كتير و ما بئ أعرف شو صرلي كنت براص الطلعة صرت بكعب النزلة عم اغطس ببحر الغربة عن نفسي عم انسا حالي بطلت اعرف ميز بين الرخيص و بين الغالي صار كل شي مبهم قدامي و عقلي بطل يفهم كون نايم انا و عم اوعى،واعي انا و عم احلم بكرا لح يجي وقت و اعترف انا و عم اندم لح صير عم عمر حالي ،بلا ما كون عم اتهدم بالنهاية في بداية و كل بداية منا هينة متل واحد خلقان لا بيحكي و لا عندو دينة بس صار وقت التغيير،صار وقت الضمير صار وقت يضوي اللي ناجح و ينضبو الحمير ما في نجمة بالسما الا ما الا مكان ليش الشاطر منو مبين؟لأن نحنا بلبنان! بدك دولة تقدّر شو عندا،و قبلا بدك شعب بدو دهر تيفهم،لك والله صوتي تعب بيحضرلك اشيا تافهة و منا آه يا حنان منو شايف الفقير ؟ منو شايف الجوعان؟ صدقني هيدا شعب وضعو منيح مش تبعان له اوعى تكون صدقت،كذبة اول نيسان هيدا شعب وضعو تعتير من دون ايا استثناء كنا القمة بالفن،صرنا عار،على الغناء منسمع لوديع الشيخ و لأمثالو المشحرين هودي فالّين على السريع،متل دفا تشرين كحيانين جربانين انشهرو من ورا تفاهة مأنّت صار عنا اله،و هبلة صارت الهة هيدي ياها الخاربة الدني و عم يحو فيا كتار هيدي زواريب الsocial media، يا عيني عالشحار بكرا بيجي شي نهار و مناكل نحنا الضّرِب بِفلّ اللازم يبقى و بيبقى اللي عايش عالشرب