عمري ضنيت الموت غتطمع فمي وتديها بكيت وبكاو الخوت والدار خوات بلا بيها مشات ودات الفرحة لي كنت كنشوفها فعينيها خلات فقلبي جرحة ماتبراش بلا بيها مشيتي يا الميمة وخليتي دموعي فعينيا شكون يعطيني قيمة وشكون غيواسيني كرهت العالم والدنيا من بعدما فارقتيني صورتك بقا في عينيا وصوتك نسمعو في ودنيا مشيتي يالوليدة وفراقك را دمرني وفراقك را دمرني يتيم يتيم وشكون يحس بيا لاحنين لا رحيم من بعد فراق الولية نزل عليا الضيم والدنيا ضياقت بيا وحيد والقلب حزين ودموعي نشفو عينيا يتيم يتيم وشكون يحس بيا لاحنين لا رحيم من بعد فراق الولية نزل عليا الضيم والدنيا ضياقت بيا وحيد والقلب حزين ودموعي نشفو عينيا طفات الشمعة ولات عليا الدنيا مضلامة كيبانلي كولشي بحال بحال كي طارت ديك الحمامة كولشي كيقولي صبر دبا تفوت هاد الغيامة كيفاش غندير نصبر من بعد فراق الحنانة كفاش غندي نصبر ومي تحت التراب مدفونة مشات هاديك لي كنحسبها أغلى ما عندي فراقها خلا فقلبي نار شاعلا تقلي يما باقي كنتفكر الملامح ديال وجهكي كان قلبي كيرتاح كي يشوفكي كدحكي دبا ديما مهموم ملي راكي فقبركي نتفكر كل لحضة على صورتك نبات نبكي عندي أمنية وحدة هي يدفنوني حداكي هاد المرض لي كان فيكي تا أنا عاداني ماعرفتش بلا بيك كيف ندير نشافي حزاني بكيت حتى نشفات عيني وفراقك را دمرني صورتك جمرة تكويني وشكون غايواسيني يتيم يتيم وشكون يحس بيا لاحنين لا رحيم من بعد فراق الولية نزل عليا الضيم والدنيا ضياقت بيا وحيد والقلب حزين ودموعي نشفو عينيا