याद त्यो याद सधैँ आइरहन्छ अनि मुटु हुन्छ चस्स। शरीर हुन्छ भरङ्ग । कताकता काउकुती लाग्छ। शरीर आफैंमा रङमा मिसिए झैँ हुन्छ। त्यो याद सधैँ आइरहन्छ। कुनै चरीको जोडीभन्दा कम थिएनौँ। ...अनि तिमी र म..... त्यो मुसलधारे पानी । अनि सुनसान सडक।। दायाँ बायाँका रुख सुसाएको आवाज। मिथुक्क भिजेका तिम्रा त्यो कुर्था । बाहिरै निस्किन खोजेका तिम्रा भित्री बदन।। अझै पनि कताकता काउकुती लाग्छ। शरीर  आफैमा रङ्गमा मिसिएझैँ हुन्छ। त्यो झमझम पानी परेको याद सधैँ आइरहन्छ।।। सुनसान एक्लो टहरो । अनि त्यसमा तिम्रो आलिङ्गन।। कुनै चरीको जोडीभन्दा कम थिएनौँ। ...म अनि तिमी... तिम्रा लामा लामा केस। गालाहुँदै बदनसम्म झरिरहेको बैसालु पानी । अनि त्यो तिम्रो मधहोस जवानी ।। मेरो रन्किएको शरीर । अनि मेरो कानमा तिम्रो लामो लामो सुस्केरा।। मेरो मुटुको उच्च धड्कन। अनि त्यसोमा तिम्रो आलिङ्गन।।। कुनै चरीको जोडीभन्दा कम थिएनौँ। ...म अनि तिमी... त्यो साँझ मिरमिरे प्रकाशको किरण तिम्रा घाँटीमा परेका नीला डोबहरू। अनि मेरो अँगालोमा नङ्का डोबहरू।। त्यो साँझको याद सधैँ आइरहन्छ।।। त्यो झमझम पानी परेको याद सधैँ आइरहन्छ। रमाइलो याद अनी रसाएका मेरा आँखा। तिम्रो पनी उस्तै होला मेरो याद गरेको बेला ।। अनि मुटु हुन्छ चस्स । शरीर हुन्छ भरङ्ग । कता कता काउकुती लाग्छ। शरीर आफैमा रङ्गमा मिसिए झैँ हुन्छ। त्यो याद सधैँ आइरहन्छ । त्यो पानी परेको याद सधैँ आइरहन्छ।।। कुनै चरीको जोडीभन्दा कम थिएनौँ। ...म अनि तिमी...