Dawde law anndude laawol ɓuri ɗum. heewde duuɓi haalde goonga ɓuri ɗum. ko tonngu dasi fof maa artir e teppere joomum. so sagata remaani maa yah ko ɓuri casol mum. ñawu gite so hawrii e ngumndam yiyii taanum. moƴƴere hewlaande ko bone keewɗe ngittata ɗum. so korel wujaaka yoo ɗaccide ee nehal mum. so ceemeedo woƴaama ko ñaami ko uuri daɗat ɗum. mo jokki enɗam allah jokka balɗe mum. mo anndi ko keew-mi hirtaade ko waali wuro haalani ɗum. mo hebbini hunuko mum conndi ina anndi no leppinirta dum ladde anndaa ɓiy moƴƴo kono ɓiy moƴƴo yoo anndu hoore mum. paɗe beydataa darnde kono ngustataa ɗum. mantude gaño mum ɓuri warde gaño mum. so nga'ri arri ee maa ina dassa boggol won ɗo liɓi joomum. baroowo worɓe ko rewɓe mbarata dum. jeeyoowo doomɓi duwaañ ulluuɗi waawani ɗum crématorium