نحكي ديما على الدنيا الفانيا الغدارة المشرارة تحب غير الشر ومول الخير في جناحو تكسر ذاق المر حاب يروح مور لبحر حياة البر مع الناس الي ناوية الشر ولي بنية يغدروه بلحيلة والهدرة قليلة فدنيا دوارة وتبغي مول الشكارة ميحسو بلمغدوؤ والمقهور عاش راجل ومزال يصارع باش انت تكون راجل باسل من البواسل ياجبل ميهزك ريح اشفق على راسك ومتفشقش على الجبل عايشين ليام ونقاسو مع سنين همنا رضاية ربي والوالدين ولي حاب جاب كسرولو ناب فاق من النوم ورجع تاب دنيتو عذاب سجنوه لحباب كان يمشي بنيتو بلا حساب طلعو ذياب عيش قاوم ومتسمعش لكلام الناس الرخاس نكر اصلو وصت لجناس نخافو ربي ولباقي مهمنيش ومفقتش حتى تفكرت نهار وين راح نروحو من هاذ الدنيا عشنا الحلوة والمرة وبكينا على زهرنا وراجل مكروه في هاذ دنيا الفانيا دانيا بانيا هانيا شقايا مش باقيا مع لفراق تكتبت من الازل المنسي شيطان يصفق وناس تنافق غلطة مور غلطة حياتي وكرهت كلشي وديما متقلق من بعد نقول الحمدلله كاين ربي لي محال ينسانا خلقنا ويرحمنا وعالم بلي حتى واحد ماهنانا وحاس بشقانا منين ذاك نقول طريق طويلة وين واصلين كل عام يجيب جديد وناس فسدت ونسات القبر تسمع غير الغدر وطعن فظهر احنا نبانو مش عارفين حاجة مي تلقانا في وقت الحاجة دنيا عذاب سراب يروح ويجي سراب هذي هيا دنيا تبقى دنيا وحنا مزال عايمين وغارقين ومش عارفين وين الصح وين